अष्ट्रेलियामा नेपाली युवालाई ब्लड क्यान्सर भएपछि उपचारका लागि सहयोग संकलन सुरु
प्रकाशित मिति : माघ ४, २०७६ शनिबार
३ वर्षअघि अष्ट्रेलिया आएका एक नेपाली युवकलाई ब्लड क्यान्सर देखिएपछि उपचारका लागि सहयोग संकलन सुरु गरिएको छ । अष्ट्रेलियाको व्रिजवेनमा बस्दै आएका पोखराका अर्जुन तिमल्सिनालाई ब्लड क्यान्सर देखिएको हो ।
३० बर्षका तिमल्सिना पत्नीलाई नर्सिङ पढाउन डिपेन्डेन्ट भिसामा अष्ट्रेलिया आएका हुन् । श्रीमती सुत्केरी गराउन अस्पताल भर्ना भएका तिमल्सिनालाई झाडापखालाले सताएपछि निको नभएका कारण रगत परिक्षण गर्दा क्यान्सर भएको पुष्टी भएको हो ।
तिमल्सिनालाई किमो थेरापी सुरु गरिएको छ भने चिकित्सकले ३ महिनामा बोनम्यारो प्रत्यारोपण गर्न सुझाव दिएका छन् । बोन म्यारो प्रत्यारोपण गर्न कम्तिमा पनि ३ लाख डलर खर्च हुने चिकित्सकले जानकारी दिएको जनाइएको छ ।
उनले आफ्नो उपचारका लागि सहयोग जुटाइदिन अनुरोध गर्दै गोफण्डमीमा सहयोग संकलन सुरु गरेका छन् । तपाईपनि सहयोग गर्न चाहनुहुन्छ भने यो लिंकमा क्लिक गर्नुहोला ।
‘कृपया मलाई बचाईदिनुहोस् । मेरो नवजात शिशुको मुख हेरेर भएपनि मलाई सहयोग गरिदिनुहोला ।’ – अर्जुनले अपिल गरेका छन् ।