माछा मार्न गएका तामाङ दाजुभाईको पोर्चुगलमा समुन्द्री छालले बगाएर निधन
प्रकाशित मिति : पुस २८, २०७६ सोमबार
पोर्चुगलमा माछा मार्न गएका एकैघरका दुई दाजुभाईको समुन्द्री छालले बगाएर निधन भएको छ । पोर्तुगल कासकाइसमा रेस्टुरेन्ट व्यवसाय गर्दै आएका नेपाल घर धादिङका कमल वाईबा तामाङ र श्याम वाईबा तामाङको मृत्यु भएको हो ।
आइतबार दिउसो कासकाइसको बोका डो इन्फर्नो क्षेत्रमा माछा मार्दै गर्दा दुबैलाई समुन्द्री छालले बगाएको जनाईको छ । त्यसपछि उनीरुको खोजीकार्य सुरु गरिएको थियो ।
घटनास्थल निकै नै जटिल र चट्टान नै चट्टानको क्षेत्र भएकोले उद्धारमा कठिनायी भएको थियो । दुबै दाजुभाईलाई खोजी गरेर पानीबाट बाहिर निकाल्दा दुबैको मृत्यु भईसकेको थियो ।
उनीहरु नौ महिना अघि मात्रै पोर्चुगल आएको जनाइएको छ । उनीहरु माछा मार्न गएको क्षेत्र माछा मार्नका लागि निकै प्रख्यात रहेको छ ।
यसैबीच नेपाल आदिवासी जनजाती महासंघ पोर्तुगलका अध्यक्ष हेम गुरुङले मृतकप्रति श्रद्धाञ्जली व्यक्त गर्दै दुबैजना अतिनै मिलनसार र मेहिनेती रहेको बताउनुभएको छ । तामाङ दाजुभाईको असामयिक निधनले नेपाल आदिवासी जनजाती महासंघ पोर्तुगल अत्यन्तै दुखी भएको उहाँको भनाई छ ।
त्यस्तै डीएस शेर्पाले दुईदाजुभाईको मृत्युप्रति दुख व्यक्त गर्दै मृतका आत्माको चीर शान्तिको कामना गर्नुभएको छ । साथै उहाँले दुबैको आत्माको भगवान बुद्धको स्वर्गीय राज्यमा बास होस् भनी हार्दिक श्रद्दान्जलि अर्पण गर्नुका साथै शोक सन्तप्त परिवार प्रति धैर्य धारण गर्ने शक्ती प्रदान गरोस भन्ने कामना गनुभएको छ ।