अवैध सामान पक्राउ


प्रकाशित मिति : पुस २१, २०७६ सोमबार

भैरहवा ,२० पुस । सशस्त्र प्रहरी बल नेपाल नं.३८ गुल्म हे.क्वा. राजस्व भन्सार सुरक्षा गस्ती रुपन्देहीले अवैध मोटरपार्ट्सका सामान बरामद गरेको छ।सशस्त्र प्रहरी नायब उपरीक्षक मान बहादुर शाहीको कमाण्डमा खटिएको गाडी मोबाइल टोलिले चेक जाँच गर्ने क्रममा सिद्धार्थनगर नगरपालिका -१ स्थित डण्डा इलाका बाट आइतबार उक्त सामान बरामद गरेको हो ।

पिबिवानवानएडबलु २८९९ नम्बरको फोर्ड फिगो भारतिय कारको सिट मुनि र डिक्किमा लुकाइछिपाइ भारतबाट नेपालतर्फ ल्याउदै गरेको विभिन्न किसिमका मोटरपार्ट्सका सामानहरु बरामद गरिएको सशस्त्र प्रहरी नायब उपरीक्षक शाहीले बताए। भन्सार छलेर अवैध सामान ल्याउन प्रयोग गरिएको गाडी र सामान भैरहवा भन्सार कार्यलय पठाइएको उनले बताए । मोटरपार्ट्सको भन्सार मुल्य १ लाख १३ हजार र गाडिको मुल्य १० लाख गरी ११ लाख १३ हजार कायम गरिएको उनले जान्कारी दिए।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com