मुस्ताङको सौन्दर्यता झल्कीयो दोहोरीमा, गीत निकाल्न अमेरिकाबाट मुस्ताङ पुगिन् संगिता
प्रकाशित मिति : पुस २०, २०७६ आईतबार
नेपाली लोक दोहोरी क्षेत्रमा राम्रो स्थान बनाएकी गायिका संगिता थापा मगर मुस्ताङको भौगोलीक सुन्दरताको प्रशंसा गर्दै गित गाएकी छन् ।
चर्चित सर्जक रमेश बिजीको शब्द, बिबी अनुरागीको संगितमा गायक रामजी खांडले साथ दिएको गित गाउन संगिता अमेरिकाबाट मुस्ताङ पुगेकी हुन् । लोमन्थाङमै बसम् नामक गितमा मुस्ताङको बिभिन्न सुन्दर तथा पर्यटक क्षेत्रलाई राम्रो संग देखाइएको छ ।
भिडियो हेर्नुहोस् ।
धौलागिरी, निलगीरी देखी कागबेनी क्षेत्रका सुन्दर दृश्य देख्न सकिने गित लाफा म्युजिकले बजारमा ल्याएको हो । प्रकाश भट्टले निर्देशन गरेको भिडियोमा गायक खांड र गायिका थापाले नै अभिनय गरेका छन् ।
भ्रमण बर्ष २०२० लाई सहयोग गर्ने उद्धेश्यले आफुहरुले नेपालकै सुन्दर पर्यटक स्थल मुस्तागंलाई रोजेर गित निमार्ण गरेको गायिका थापाले बताईन् । थापाका अनुसार धेरै नेपालीहरुलाई नै मुस्ताङको सुन्दरताको बारेमा थप जानकारी होस् र आन्तरिक पर्यटक समेत बढुन् भनेर गण्डकी प्रदेश सांसद ईन्द्रधारा बिष्टले निर्माण गरेका हुन् ।
आफुहरुलाई गण्डकी प्रदेश प्रमुख पृथ्वी सुब्बा गुरुङ लगायतका बिशिष्ट ब्यक्तीहरुले यस गित निर्माणका क्रममा धेरै सहयोग गरेको भन्दै गायीका थापाले सबैमा धन्यबाद दिएकी छन् ।
लोक दोहोरीको स्टेजमा राम्रो गायिका मानिने थापा बिगत केहि बर्षदेखी अमेरिकामा बस्दै आएकी छन् ।