न्यूयोर्कमा बेथेल नेपाली मण्डली द्वारा ‘क्रिसमस डे’ मनाइयो
प्रकाशित मिति : पुस ९, २०७६ बुधबार
दीपक परियार
क्रिश्चियन धर्मावलम्बीले क्रिसमस डे विश्वभर मनाईरहेका छन् भने अरू धर्मालम्बीहरू पनि क्रिसमसको रमझममा सरिक भएका छन् ।ईसाई धर्मावलम्बीहरुको महान चाड ‘क्रिसमस डे’ धुमधामका साथ मनाइएको छ। येशुको जन्मोत्सव (ख्रीष्टमस) को उपलक्ष्यमा नेपाली इसाईहरू बीच न्यूयोर्कमा बेथेल नेपाली मण्डली ले भव्य कार्यक्रम आयोजना गरी ख्रीस्टमस दिवस मनाएको छ । ग्रेगोरियन पात्रो अनुुसार यो दिवस प्रत्येक वर्षको डिसेम्बर महिना २५ तारिखका दिन विश्वभरका क्रिश्चियन धर्मावलम्बीले मनाउँछन्।
आजभन्दा २०१९ वर्षअघि इजरायलको वेथलेहममा पिता स्वर्गदूत र माता मरियमका गर्भबाट येशुको जन्म भएको मान्यता छ।
क्रिश्चियन धर्मावलम्बीले एकापसमा शुभकामना आदानप्रदान गरेका छन । बेथल मण्डली का पास्टर पावल राईले नेपाली समुदाय बीच हरेक वर्ष यसरी नै धूमधाम संग परमेश्वरको जन्मोत्सव मनाउँदै आएको बताए ।
करिब २५० नेपाली समुदाय का बीच भएको शुभकामना आदानप्रदान कार्यक्रमको संचालन डेविट चटौत र धन्यवाद ज्ञापन तथा अन्तिम प्रथाना रायन लामघादे ले गर्नु भएको थियो । साथै मण्डलीका कलाकारहरू ले गीत र नृत्य बाट बेजोड प्रस्तुती गरेका थीए ।
