क्यानडामा साना र ग्रामिणक्षेत्रमा विदेशी कामदार आकर्षिक गर्न नयाँ पीआर कार्यक्रम
प्रकाशित मिति : पुस ९, २०७६ बुधबार
क्यानडाले साना र ग्रामिणक्षेत्रमा विदेशी कामदार आकर्षिक गर्न नयाँ पीआर कार्यक्रम ल्याउने भएको छ । यो कार्यक्रम अन्तरगत साना र ग्रामिण क्षेत्रका कामदारबाट जागिरको अफर पाएका विदेशी कामदारहरुले त्यहाँको स्थायी बासिन्दा हुनका लागि पीआर आवेदन दिनसक्ने भएका छन् ।
रिजनल इमिग्रेशन पाइलट नामको उक्त कार्यक्रम सन् २०२० को सुरुतिर घोषणा गरिनेछ । स्थानीय दक्षहरुबाट परिपूर्ति हुन नसकेका कामहरुमा विदेशी कामदार ल्याउनका लागि यो कार्यक्रम ल्याउन लागिएको हो । यो कार्यक्रम ओन्टारियोमा लागु हुने जनाइएको छ ।
यो कार्यक्रमबारे थप जानकारीका लागि यहाँ क्लिक गर्नुहोला ।
उपयुक्त दक्षता भएका विदेशी कामदारहरुले क्यानडाको पीआर लिन चाहेको र ओन्टारियोमा बसोबास गर्न चाहेको खण्डमा ओन्टारियो इकोनोमिक इमिग्रेशन कार्यक्रममार्फत आवेदन दिन सक्नेछन् । पीआरबारेको अन्तिम निर्णय भने क्यानडाको संघीय सरकारले गर्नेछ ।
ओन्टारियोले अहिले दक्ष कामदारको अभाव भोगिरहेको छ । नयाँ कार्यक्रमबाट उक्त अभाव पूर्ति हुने अपेक्षा गरिएको छ ।