Follow @khasokhasmag

आठ महिनाको नेपाली बच्चाको पोर्चुगलको एक बेवीकेयर स्कुलमा आकस्मिक मृत्यु


प्रकाशित मिति : चैत्र २, २०७३ बुधबार

भक्तपुर, दुहाकोट घर भै विगत डेढ बर्षदेखी पोर्चुगलको लिस्बोनमा बस्दै आएका दम्पत्ति विनोद धिमाल र अम्बिका धिमालका आठ महिनाका छोरा अविरल धिमालको लिस्बोनको बेवीकेयर स्कुल (डा.सालगुयरियो दि अल्मेदा )मा सोमबार मृत्यु भएको छ ।

बच्चाको मृत्युबारे हालसम्म रहस्य खुल्न सकेको छैन । अविरल स्कुल जानु अगाडी कुनै बिरामी नभएको तन्दुरुस्त अवस्थामा नै स्कुल गएको र पत्याउनै नसकिने गरि यस्तो घटना घटेको परिवार श्रोतले बताएको छ ।

बच्चाको मृत्यु स्कुल समयमा भएकोले मृत्युबारे थप अनुसन्धान भैरहेको छ । यतिबेला शव पुलिस नियन्त्रणमा सेन्टजोसेफ अस्पताल शव गृहमा रहेको र आज परिवारलाइ अन्त्यष्ठि ब्यवस्थापन एजेन्सी मार्फत जिम्मा लगाइने श्रोतले जनाएको छ ।

बच्चाको दाहसंस्कार भोलि दिउसो तिन बजे श्रद्धान्जली कार्यक्रम पश्चात गरिने परिवार श्रोतले जनाएको छ ।

बच्चाको दाहशंस्कारका लागि करिब दुइलाख नेपाली रुपैया लाग्ने बताइएको छ ।

साथै आबश्यक सहयोग जुटाउने विषयमा आजै परिवार सँग छलफल गरि निर्णय गरिने एन.आर.एन. पोर्चुगलका उपाध्यक्ष शम्भु गौतमले बताएका छन ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com