युरोपको ‘फरक विचार’ ‘खसोखास’मा मर्ज, खसोखासमा अब युरोपका अध्यागमन समाचार पनि
प्रकाशित मिति : कार्तिक २४, २०७६ आईतबार
युरोपबाट विगत २ बर्षदेखि प्रकाशित हुँदै आइरहेको फरकविचार डटकम खसोखासमा मर्ज भएको छ । फरक विचारले युरोपका अध्यागमन र नेपालीका सरोकार राख्ने विषयहरुलाई समाचारमा समेट्दै आएको थियो ।
यो मर्जसँगै खसोखासले अमेरिकाको अध्यागमनका समाचारलाई प्राथमिकता दिदै आएकोमा अब युरोपको अध्यागमनका समाचार र अपडेटलाई पनि प्राथमिकता दिने भएको छ ।
पाठकहरुलाई एउटै प्लेटफर्मबाट विश्वभरका अध्यागमन र अन्य रुचीका समाचारहरु प्राप्त गर्न सजिलो होस् भन्ने हेतुले फरक विचारलाई खसोखाससँग मर्ज गरिएको फरक विचारका प्रकाशक तथा प्रधानसम्पादक हरिकृष्ण पन्थीले बताए ।
अमेरिकाको न्युयोर्कबाट विगत ९ बर्षदेखि प्रकाशन हुँदै आएको खसोखासले अमेरिकी अध्यागमन, महिला र सिमान्तकृतको शशक्तिकरण, समुदायका गतिविधि र नेपालका राष्ट्रिय महत्वका समाचारहरुलाई प्राथमिकता दिदै आएको छ ।
यो मर्जरसँगै अब फरक विचारको सम्पूर्ण टिम पनि खसोखासको टिममा समाहित भएको छ ।