पोर्चुगलका खेति कम्पनीमा इमिग्रेशनको छापा, श्रम तस्करमाथि निगरानी कडा, टप फाइभमा नेपाली
प्रकाशित मिति : फाल्गुन ७, २०७५ मंगलबार
द इमिग्रेशन एण्ड बोर्डस सर्भिस सेफ पोर्चुगलले पोर्चुगलका हजारौं खेति कम्पनिहरुमा छापा बढाएको छ ।
द इमिग्रेशन एण्ड बोर्डस सर्भिस सेफका अध्यक्ष आकासियो परेराले कृषि क्षेत्रमा श्रम शोषण बढ्दै गैरहेको तथा पोर्चुगलमा विषेशगरी एलेंटेजो क्षेत्र नियन्त्रण बाहिर गएको बताएको समाचार संस्था रोयटर्सले उल्लेख गरेको छ ।
‘यसरी आउने मनिसहरु कुनै इन्टरनेट साइटमा विज्ञापन गरि मानव तस्करहरुद्धारा पोर्चुगल ल्याइएका हुन् । यहाँ धेरै जसो पिडितहरु पूर्वि युरोप तथा भारत,वंगलादेश,पाकिस्तान र नेपालका रहेका छन्’- सेफले बताएको समाचारमा भनिएको छ ।
पोर्चुगलको नेशनल रिपब्लिकन गार्ड जिएनआर का एक प्रहरी क्याप्टेन फिलिप माउटसले पोर्चुगलमा मानव तस्करीका घटनाले साँच्चिकै चिन्तित बनाएको बताएका छन् ।
उनको एक टिमले गत हप्ता एलेंटेजो क्षेत्रको ४० हेक्टर क्षेत्रफलमा रहेको एक रस्बरी फार्ममा छापा मारी कामदारको कम्पनी सँगको सम्झौता तथा परिचय पत्रहरुको चेकजाँच गरेको बताएको रोयटर्सले जनाएको छ । यसबारे थप समाचारका लागि यहाँ क्लिक गर्नुहोला