५० हजार डलर तिरेर अमेरिका आउन खोजेको आरोप लागेपछि मनोजकुमार चन्दले गरे प्रतिवाद
प्रकाशित मिति : श्रावण १६, २०७३ आईतबार
५० हजार डलर तिरेर अमेरिका आउन खोजेको आरोप लागेपछि मनोजकुमार चन्दले आरोपको खण्डन गर्न पत्रकार सम्मेलन आयोजना गरेका छन् । रिपोटर्स क्लब नेपालमा आयोजित पत्रकार सम्मेलनमा मनोजले भने – ‘५० हजार डलर तिरेर अमेरिका जान खोजेको भन्दै ममाथि आरोप लगाउनेले आरोप फिर्ता लिंदै माफी नमागे अदालतमा जान्छु ।’
दुबै हात, दुबै खुट्टा, दुबै कुइनो मुखबाट र एकैसाथ ६ वटा कलमले लेख्न सक्ने प्रतिभा मनोजलाई एनआरएनको क्षेत्रीय सम्मेलनमा उपस्थीतिका लागि निमन्त्रणा गरिएको थियो । काठमाडौंमा रहेको अमेरिकी दूतावासको कन्सुलर सेक्सनलाई सम्बोधन गरेर लेखिएको पत्र सार्वजनिक भएपछि केही व्यक्तिले सामाजिक सञ्जालमा उनीमाथि ५० हजार डलर तिरेर अमेरिका आउन खोजेको आरोप लगाएका थिए भने आयोजकमाथि मानवतस्करीको आरोप लगाएका थिए ।
स्थायी घर बैतडी भई हाल काठमाडौंमा बस्दै आएका मनोजले दुईबर्ष अगाडि फाउण्डेशनको सुरुवात गरेका थिए । तत्कालिन राष्ट्रपति डाक्टर रामवरण यादव र तत्कालिन मुख्य सचिव लिलामणी पौडेलले पनि उनको प्रतिभाबाट प्रभावित भएको बताउँदै सहयोगको प्रतिबद्धता जनाएका थिए । एनआरएन अध्यक्ष शेष घले र नेपाल सरकारका अधिकारीहरुको सुझावपछि चन्दको प्रतिभाको कदर गर्दै एनआरएनको क्षेत्रीय सम्मेलनमा निमन्त्रणा गरिएको थियो ।
उनले थप के के भने ? हेर्नुहोस् पत्रकार सम्मेलनको भिडियो ।
