अस्ट्रेलिया छिर्न खोज्ने ८ भारतीय नक्कली पत्रकार ब्रिसबेनबाट पक्राउ
प्रकाशित मिति : चैत्र १५, २०७४ बिहीबार
बैंककमा आनलाइन संयोजन अधिकृतले अस्ट्रेलिया यात्रा गर्दै गरेका ९ भारतीयको गतिविधी संकास्पद देखेपछि अस्ट्रेलियाको अध्यागमन विभागलाई खबर गरेका थिए ।
उनीहरु अस्ट्रेलियाको ब्रिसबेन उत्रेपछि अस्ट्रेलियन प्रहरीले हिरासतमा लिई सोधपुछ गरेको थियो । सोधपुछका क्रममा उनीहरुले बुझाएको विवरण झुट रहेको पाइएको थियो ।
कमनवेल्थ खेलको रिर्पोटिङका लागि भन्दै अस्ट्रेलिया आइपुगेका उनीहरुको मिडिया सम्बन्धित कागजात नै नक्कली भेटिएपछि उनीहरुलाई हाल हिरासतमै राखिएको छ ।
उनीहरुबारे थप छानवीन भइरहेको र छिट्टै स्वदेश फर्काउने तयारी भएको पनि स्थानीय संचारमाध्यमले जनाएका छन् ।
८ भारतीयसँगै यात्रा गरिरहेका अर्का एकजनालाई भने प्रहरीले पक्राउ गरेर अनुशन्धान सुरु गरेको छ । उनीमाथी प्रहरीले मानव वेचविखनको मुद्धा लगाउने तयारी गरेको छ । उनलाई नक्कली कागजात बुझाएर अस्ट्रेलिया छिर्न खोज्नेलाई सहयोग गरेको आरोप लगाइएको छ ।