आमा-छोरीको ज्यान जाने गरी न्युयोर्कमा डुङ्गा पल्टाउने क्याप्टेन आइसको नियन्त्रणमा
प्रकाशित मिति : ५ भदौ २०८३, शुक्रबार
तस्वीर : आइस
न्युयोर्क हार्बरमा दुई जनाको ज्यान जाने गरी भएको भयानक डुङ्गा दुर्घटनाका चालकलाई अमेरिकी आइसले पक्राउ गरेको छ। अनुसन्धानका क्रममा उनी गैरकानुनी रूपमा अमेरिकामा बस्दै आएको खुलेपछि सङ्घीय अधिकारीहरूले यो कारबाही गरेका हुन्।
गत अगस्ट ८ मा स्ट्याचु अफ लिबर्टी नजिकै एउटा डुङ्गा पल्टिँदा २७ वर्षीया आमा सारा सान्चेज र उनकी ५ महिनाकी छोरी एन्टोनेलाको मृत्यु भएको थियो। तटरक्षकको अनुसन्धान अनुसार ४६ वर्षीय क्याप्टेन म्यानुएल हर्नान्डेजले चलाएको उक्त डुङ्गामा क्षमताभन्दा बढी मानिस राखिएको थियो र बालबालिकाका लागि आवश्यक ‘लाइफ ज्याकेट’ समेत थिएन।
हर्नान्डेजमाथि अगस्ट १० मा मानहानी र लापरवाहीका कारण मानिसको मृत्यु गराएको दुईवटा आरोपमा म्यानहटनस्थित सङ्घीय अदालतमा मुद्दा दर्ता गरिएको थियो। उनी ५०,००० डलर धरौटीमा रिहा भएका थिए। तर, तटरक्षकको थप अनुसन्धानपछि डिपार्टमेन्ट अफ होमल्यान्ड सेक्युरिटीले उनलाई अध्यागमन हिरासतमा लिएको जानकारी दिएको छ।
अधिकारीहरूका अनुसार एल साल्भाडोरका नागरिक हर्नान्डेज सन् २००७ मा मेक्सिकोबाट टेक्सस प्रवेश गर्दा सीमा सुरक्षा अधिकारीसमक्ष आफू अमेरिकी नागरिक भएको झुटा दाबी गर्दै प्रवेश गरेका थिए। होमल्यान्ड सेक्युरिटी सेक्रेटरी मार्कवेन मुलिनले भने, “उनले आफ्नो अपराधको सजाय पाएलगत्तै, हामी उनलाई तुरुन्तै देशबाट देश निकाला गर्नेछौँ।”