न्युयोर्कमा मंगलबार जमाउने जाडोको चेतावनी, तापक्रम जिरो डिग्री सेल्सियसभन्दा तल

किशोर पन्थी

---

प्रकाशित मिति : कार्तिक २४, २०८२ सोमबार

फोटो: पेड्रो सान्ज

राष्ट्रिय मौषम सेवाका अनुशार मंगलबार बिहानैदेखि न्युयोर्क र न्यु जर्सीमा जमाउने जाडोको चेतावनी लागू हुने भएको छ। सोमबार तापक्रम ५० डिग्री फरेनहाइटको मध्य आसपासमा रहेको र वर्षा भएपछि यो चिसो आएको हो। मंगलबार बिहान १ बजेतिर तापक्रम घट्न थाल्नेछ। यो चेतावनी बिहान ९ बजेसम्म लागू हुनेछ।

चिसो हावाको अनुभूति २५ डिग्री फरेनहाइट (माइनस ४ डिग्री सेल्सियस) सम्म झर्ने अनुमान गरिएको छ भने हावाको गति प्रति घण्टा ४० माइलसम्म पुग्न सक्नेछ। राष्ट्रिय मौषम सेवाका अनुशार पनि तापक्रम ३० डिग्री फरेनहाइट वा माइनस १ डिग्रीभन्दा तल झर्न सक्छ। काममा गाडी चलाएर जाने यात्रुहरूले आफ्नो कार तताउनको लागि केही अतिरिक्त मिनेट छुट्याउनु पर्ने हुनसक्छ ।

न्युयोर्क सिटी अफिस अफ इमर्जेन्सी म्यानेजमेन्टले चिसोको समयमा न्युयोर्कवासीहरूले आफूलाई सुरक्षित राख्न अपनाउनुपर्ने उपायका बारेमा सचेत गराएको छ । पाल्तु जनावरहरूलाई सुरक्षित राख्न र जनावरहरूलाई राति घरभित्र ल्याउन सुझाव दिइएको छ । जम्ने तापक्रममा थोरै समयको सम्पर्कले पनि खतरा निम्त्याउन सक्ने चेतावनी दिइएको छ ।

बाहिरका बिरुवाहरूलाई जोगाउन सुझाव दिइएको छ । गमलामा राखिएका बिरुवाहरूलाई भित्र सार्न र तुषारोको क्षतिबाट बचाउन बाहिर छोडिएका कुनै पनि बिरुवालाई कपडा वा बोराले छोपिदिन सुझाव दिइएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

पाइपहरूलाई जम्नबाट जोगाउन सुझाव दिइएको छ । न्यानो नभएका वा हावा छिर्ने ठाउँहरूमा सबैभन्दा जोखिममा रहेको धाराबाट हल्का पानी चुहिन दिन सुझाव दिइएको छ भने न्यानो हावा प्रसारित हुन दिन सिङ्कमुनिका क्याबिनेट ढोकाहरू खोल्न सुझाव दिइएको छ ।

न्यानो लुगा लगाउन सुझाव दिइएको छ । चिसो हावाले तापक्रम अझ बढी चिसो महसुस गराउनसक्ने भएकाले विशेष गरी बिहानको समयमा बाक्ला लुगाहरू लगाउन र छालालाई ढाक्न सुझाव दिइएको छ । विन्डशिल्ड, फुटपाथ र अन्य सतहहरूमा तुषारो जम्ने सम्भावना रहेकाले हिँड्दा, साइकल चलाउँदा वा गाडी चलाउँदा सावधानी अपनाउन भनिएको छ । मंगलबार बिहान आफ्नो कार तताउन र झ्यालहरू सफा गर्नको लागि अतिरिक्त समय छुट्याउन सुझाव दिइएको छ ।

मंगलबार तापक्रम अत्यन्तै चिसो भएतापनि बाँकी हप्ताको लागि अधिकतम तापक्रम ५० डिग्री फरेनहाइटभन्दा अलिकति माथिसम्म पुग्ने अनुमान गरिएको छ । यद्यपी शनिबार तापक्रम पुन घट्ने अनुमान छ ।