उत्तरी क्यालिफोर्नियाको आतिशबाजी गोदाममा विस्फोट, सात जना बेपत्ता
प्रकाशित मिति : असार २१, २०८२ शनिबार
अमेरिकाको उत्तरी क्यालिफोर्नियाको आतिशबाजी गोदाममा विस्फोट भएको छ ।
योलो काउण्टीमा रहेको आतिशबाजीको गोदाममा भएको विस्फोटपछि मानव अवशेषहरू फेला परेका काउन्टीले जारी गरेको विज्ञप्तिमा जनाएको छ।
एसपोर्ट नजिकैको उक्त विस्फोटमा सात जना हराइरहेका थिए । जसले कृषक समुदायलाई स्तब्ध बनाएको थियो । विस्फोटपछि ठूलो आगलागी भएको थियो । आसपासका क्षेत्रहरुमा जुलाइ ४ को स्वतन्त्रता दिवसका उत्सवहरू रद्द गरिएको छ ।
योलो काउन्टीका अनुसार काउन्टीले घटनास्थलमा पुग्न अनुमति पाएको छ । हराइरहेका व्यक्तिहरूका परिवारसँग सम्पर्क भइरहेको बताएको छ ।
तर अहिलेसम्म कसैको मृत्यु पुष्टि भएको छैन । उद्धार तथा खोजी कार्य जारी नै रहेको विज्ञप्तिमा उल्लेख गरिएको छ। दुई व्यक्तिलाई चोटपटक लागेका कारण उपचार गरिएको अधिकारीहरूले बताएका छन् । विस्फोटको कारणबारे अनुसन्धान अझै जारी छ।
विस्फोट भएको गोदाम आतिशबाजी कम्पनी नामक कम्पनीले सञ्चालन गरिरहेको थियो । यस कम्पनीले तीन दशकभन्दा बढी समयदेखि बे एरियामा आतिशबाजी कार्यक्रम आयोजना गर्दै आएको थियो।
कम्पनीले ठूला प्रदर्शनहरूको लागि मात्र आतिशबाजी तयार पार्ने बताएको छ ।
राज्यको दक्षिणी क्षेत्रमा पनि आतिशबाजीसँग सम्बन्धित अर्को घटनामा लस एन्जलसको एउटा बस्तीमा आगलागी हुँदा एक व्यक्तिको मृत्यु भएको छ । चार घरमा आगो लागेको छ ।
एक महिला गम्भीर घाइते भएकी छन । उनलाई अस्पताल लगिएको छ । धेरै जनावरहरू घाइते भएको लस एन्जलस फायर डिपार्टमेन्टले जनाएको छ।
दमकलकर्मीहरू घटनास्थलमा पुगेकै बेला पनि आतिशबाजी भइरहेको थियो ।