उपराष्ट्रपतिले टाइब्रेक गरेपछि ट्रम्पको मेगाबिल सिनेटबाट पारित
प्रकाशित मिति : असार १७, २०८२ मंगलबार
तस्बिर: अलेजान्ड्रो बार्बा
अमेरिकी सिनेटले राष्ट्रपति ट्रम्पको मेगाबिल पारित गरेको छ । सिनेटमा रिपब्लिकनहरूबीचको विभाजनका कारण नाटकीय संघर्ष पछि यो बिल पारित गर्नका लागि उपराष्ट्रपति जेडी भान्सले टाईब्रेकिंग मतदान गरेका थिए । बिलका पक्ष र विपक्षमा पचास पचास मत परेपछि भान्सको ट्राइब्रेकसँगै ५१ मतले बिल पारित भएको हो । २४ घण्टाभन्दा बढी समयसम्म चलेको बहस, मतदान र वार्ताको संघर्षपछि बिल पारित भएको हो।
तीन रिपब्लिकन सिनेटरहरु सुसान कोलिन्स, थोम टिलिस र रान्ड पलले बिलको विपक्षमा मतदान गर्न डेमोक्र्याटहरूसँग सामेल भएका थिए । अब राष्ट्रपतिको डेस्कमा जानु अघि बिल प्रतिनिधिसभाबाट पनि पारित हुनुपर्ने भएकोले अब अर्को उच्च प्रकारको लडाईं सुरु भएको छ। रिपब्लिकन नेताहरू जुलाई ४ सम्ममा बिल ह्वाइट हाउसमा पुर्याउने प्रयासमा लागिरहेका छन्।
यो विधेयकले २०१७ मा ट्रम्पको पहिलो कार्यकालमा लागू गरिएको कर कटौतीमा लगभग ३ दशमलव ८ ट्रिलियन डलर विस्तार गर्नेछ भने सीमा सुरक्षा र सेनाको लागि दशौं बिलियन डलरको नयाँ कोष प्रदान गर्नेछ । साथै टिप्स र ओभरटाइमबाट भएको आम्दानीमा कर नलगाउने नीति पनि यसमा समावेश छ ।
मे महिनामा प्रतिनिधिसभाबाट पारित गरेको बिलको संस्करणमा सिनेटरहरूले गरेका परिवर्तनहरूले प्याकेजको लागत बढाएको छ भने गहिरो कटौती पनि बढाएको छ जसले गर्दा धेरै अमेरिकीहरूले स्वास्थ्य बीमा कभरेज गुमाउनेछन्।
बिलले एक दशकमा राष्ट्रिय ऋणमा कम्तिमा ३ दशमलव ३ ट्रिलियन डलर थप्नेछ । यो लागत सदनमा पारित संस्करणको २ दशमलव ४ ट्रिलियन डलर मूल्य भन्दा धेरै बढी छ। र यसले स्वास्थ्य सेवामा १ दशमलव १ ट्रिलियन डलर कटौती गर्नेछ, जसमध्ये लगभग १ ट्रिलियन डलर मेडिकेडमा पर्नेछ, जसले गर्दा २०३४ सम्ममा १ करोड १८ लाख थप अमेरिकीहरू बीमाविहीन हुने प्रक्षेपण गरिएको छ ।
यो बिलले करमा कुल ४ दशमलव ५ ट्रिलियन डलरले कटौती गर्नेछ, जसमा विस्तारित बाल कर क्रेडिट, केही वृद्ध अमेरिकीहरूका लागि ठूलो मानक कटौती र अमेरिकामा बनेका नयाँ कारका खरिदकर्ताकाका लागि कटौती समावेश छ। बिलमा राज्य र स्थानीय कर कटौतीको सीमा १० हजार डलरबाट ४० हजारमा उठाउने योजना समावेश छ।
बिलले अध्यागमन कारवाही र सीमा सुरक्षामा लगभग १७५ बिलियन डलर खर्च गर्नेछ भने नयाँ सैन्य खर्चमा लगभग १५० बिलियन डलर थप्नेछ। बिलले मेडिकेडमा अभूतपूर्व कटौती गर्नेछ। मेडिकेडका लागि केही व्यक्तिहरूको लागि नयाँ र कडा आवश्यकता स्थापित गर्नेछ भने धेरै राज्यहरूले मेडिकेडलाई वित्तपोषण गर्न प्रयोग गर्ने रणनीतिमा नयाँ प्रतिबन्धहरू लागू गर्नेछ ।
बिलले फूड स्ट्याम्प भनेर चिनिने पोषण सहायता कार्यक्रमका प्राप्तकर्ताहरूमा नयाँ कामका आवश्यकताहरू पनि लागू गर्नेछ भने केही राज्यहरूलाई पहिलो पटक केही लागतहरू वहन गर्न आवश्यक पर्नेछ। बिलले बाइडेनको नेतृत्वमा वायु र सौर्य फार्महरू लगायत नवीकरणीय ऊर्जा परियोजनाहरूका साथै विद्युतीय सवारी साधन र हाइड्रोजन इन्धन निर्माताहरूका लागि स्थापित स्वच्छ ऊर्जा कर क्रेडिटहरूमा तीव्र कटौती गर्नेछ।