फ्लोरिडामा भएको उपचुनावमा रिपब्लिकनको सीट सुरक्षित
प्रकाशित मिति : चैत्र २०, २०८१ बुधबार
अमेरिकाको फ्लोरिडामा भएको उपचुनावमा रिपब्लिकन उम्मेदवार विजयी भएका छन ।
डेमोक्र्याट्स उम्मेदवार जोश वाइललाई हराउदै रिपब्लिकन र्यान्डी फाइन संसदमा निर्वाचित भएका हुन । अमेरिका राष्ट्रिय सुरक्षा सल्लाहकारमा माइक वाल्ट्ज चयन भएपछि उक्त सीट रिक्त रहेको थियो ।
यो नतिजाले डेमोक्र्याटहरूको आशालाई तोडिदिएको छ । यस क्षेत्रलाई ट्रम्पले ३० प्रतिशत मतले जितेका थिए । यो नतिजालाई उल्टाउनका लागि डेमोक्रयाट्सहरुले ठुलो प्रयास गरेका थिए ।
फाइनको विजयको अन्तर लगभग १४ प्रतिशतको रहेको छ । आगामी वर्षको राष्ट्रिय मध्यावधि कंग्रेस चुनावहरूमा रिपब्लिकनहरू लाई समस्या पर्न सक्ने आँकलन गरिएको छ ।
वाल्ट्जले यो सीट नोभेम्बर महिनामा ३० प्रतिशत भन्दा बढीको अन्तरमा जितेका थिए । अहिले भने फाइनले वाइलसँगको प्रतिस्पर्धामा लगभग १४ प्रतिशतको मात्रै अग्रता कायम गरेका छन ।
डेमोक्र्याट वाइल गाजा समर्थक हुन । उनले फाइनको एंटी प्यालेस्टाइन दृष्टिकोणसँग असहमति जनाएका थिए । उनले अभियानको लागि १२ मिलियन डलर भन्दा बढी चन्दा उठाएका थिए ।
फाइनको विपक्षीले लगभग १ मिलियन डलर मात्र उठाएका थिए । यो वित्तीय भिन्नता र चुनावको पोलले यस प्रतिस्पर्धालाई राष्ट्रिय ध्यानमा पुराएको थियो ।
रिपब्लिकनहरूले अन्य फ्लोरिडाका विशेष चुनावमा पनि विजय प्राप्त गरेका छन । रिपब्लिकनहरूले मंगलवारको नतिजासँगै प्रतिनिधि सभामा सानो बहुमत कायम राखेका छन् ।
तर यसले आगामी वर्षको चुनावमा स्थिर बहुमतको रूपमा काम गर्ने देखिन्छ । ट्रम्पको कानूनी कार्यक्रमलाई अघि बढाउनका लागि यो बहुमतले सहयोग पुराउन सक्ने देखिएको छ ।