ईयू विदेश नीति प्रमुखको प्रतिक्रिया – रुसलाई शान्तिमा कुनै चासो छैन

खसोखास रिपोर्टर

---

प्रकाशित मिति : फाल्गुन २४, २०८१ शनिबार

Belgium Europe Summit

युरोपेली सङ्घकी विदेश नीति प्रमुखले काजा कालासले रुसलाई शान्तिमा कुनै चासो नरहेको देखिएको बताएकी छिन् ।

सामाजिक सञ्जाल एक्समार्फत उनले युक्रेनमा रातभर गरिएको आक्रमणले क्रेमलिनलाई ‘शान्तिमा कुनै चासो छैन’ भन्ने देखाएको बताएकी हुन् ।

उनले रूसी क्षेप्यास्त्रहरू युक्रेनमा निरन्तर खसिरहेको बताउँदै यसले मृत्यु र विनाश बढ्दै गएको बताइन् । उनले लेखेकी छिन्, ‘रूसी क्षेप्यास्त्रहरू युक्रेनमा निरन्तर खसिरहेका छन्, जसले गर्दा मृत्यु र विनाश बढ्दै गएको छ।’

कालासले युक्रेनमाथि रुसी आक्रमण बढ्दै जानुले पुटिनलाई शान्तिमा कुनै चासो नभएको देखिएको जिकिर गरेकी हुन् । उनले भनिन्, ‘फेरि एक पटक, पुटिनले शान्तिमा कुनै चासो नभएको देखाएका छन् ।’

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

इस्टोनियाका पूर्व प्रधानमन्त्री तथा युरोपेली आयोगका उपाध्यक्ष समेत रहेकी कालासले थपेकी छिन्,  ‘हामीले हाम्रो सैन्य समर्थन बढाउनुपर्छ । अन्यथा, अझ धेरै युक्रेनी नागरिकहरूले उच्चतम मूल्य चुकाउनुपर्नेछ।’