महिलाको उन्नति समाज समृद्धिको आधार : महासचिव गुटेरेस

खसोखास रिपोर्टर

---

प्रकाशित मिति : फाल्गुन २४, २०८१ शनिबार

UN-UN CHIEF-PRESS CONFERENCE

संयुक्त राष्ट्रले अन्तर्राष्ट्रिय समुदायलाई सबै महिला र बालिकाहरूको लागि अधिकार, समानता र सशक्तिकरणलाई यथार्थ बनाउन अडिग रहन आह्वान गरेको छ ।

“जब महिला अगाडि बढ्छ, हामी सबै अगाडि बढ्छौं,” संयुक्त राष्ट्रका महासचिव एन्टोनियो गुटेरेसले अन्तर्राष्ट्रिय महिला दिवसको सन्देशमा उल्लेख गरे ।

उनले भनेका छन्, “समान अधिकारलाई मूलधारमा ल्याउनुको सट्टा, हामी दुव्र्यवहारलाई मूलधारमा राखिएको देखिरहेका छौं ।” जब महिला र केटीहरूको लागि समान अवसरको ढोका खुला हुन्छ, सबैको जित हुन्छ । समान समाजहरू अधिक समृद्ध र शान्तिपूर्ण हुन्छन् र दिगो विकासको जग बसाल्छन् ।”

“यस अन्तर्राष्ट्रिय महिला दिवसमा, हामी बेइजिङमा भएको ऐतिहासिक संयुक्त राष्ट्र सम्मेलन पछिको तीस वर्षको प्रगति र उपलब्धिलाई मान्यता दिन्छौं,” गुटेरेसले थपे ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

मार्च ८ मा, अन्तर्राष्ट्रिय परिवारले सबै महिला र केटीहरूको लागि ‘अधिकार,समानता,सशक्तिकरण’ भन्ने विषयवस्तु अन्तर्गत अन्तर्राष्ट्रिय महिला दिवस मनाउँछ ।

यस वर्षको नाराले सबैका लागि समान अधिकार, शक्ति र अवसर खोल्न सक्ने कार्य र कोही पनि पछाडि नछोडिने नारीवादी भविष्यको लागि आह्वान गर्दछ । यस दृष्टिकोणको केन्द्रबिन्दु आगामी पुस्ता युवा, विशेष गरी युवती र किशोरीहरूलाई स्थायी परिवर्तनको उत्प्रेरकको रूपमा सशक्त बनाउनु हो ।