अमेरिका र रुसबीच साउदी अरबमा हुने वार्तामा युक्रेनलाई बोलाइएन
प्रकाशित मिति : फाल्गुन ४, २०८१ आईतबार
Ukrainian President Volodymyr Zelenskyy poses at theFrench National Assembly before his address to lawmakers, Friday, June 7, 2024 in Paris. U.S. President Joe Biden was due to meet with Ukrainian President Volodymyr Zelenskyy in Paris on Friday as Kyiv’s army endures its hardest days of fighting since the early weeks of the war with Russia and prepares for what officials say could be a tough summer ahead. (Julien de Rosa/Pool via AP)
युक्रेनले अमेरिका र रुसबीचमा हुने भनिएको शान्ति बार्तामा नबोलाइएको बताएको छ ।
युक्रेनी सरकारका एकजना वरिष्ठ अधिकारीले साउदी अरबमा हुने भनिएको अमेरिकी विशेष दुत कीथ केलोगको सम्लग्नतामा हुने शान्ती वार्तामा निमन्त्रणा नपाएको बताएका हुन ।
केलोगले पनि शान्ती वार्तामा युक्रेनी प्रतिनिधिमण्डललाई निमन्त्रणा नगरिएको बताए । उनले साउदी अरबमा रुस र अमेरिकाका अधिकारीबीचमा वार्ता हुने उल्लेख गरे ।
युरोपेली कुनै पनि नेताहरुलाई पनि वार्तामा बोलाइएको छैन । यदि सन्र्दभलाई लिएर फ्रान्सका राष्ट्रपतिले सोमबार आकस्मिक शिखर सम्मेलनको आव्हान गरेका छन ।
उक्त सम्मेलनमा रुस युक्रेन युद्धको बिषयलाई लिएर अमेरिका र रुसबीच हुनलागेको वार्तामा युक्रेन र युरोपेली देशको सम्लग्नता र भूमिकाको विषयमा निर्णय हुने संभावना रहेको छ ।
अमेरिकी र रुसी अधिकारीकाबीचमा शनिबार साउदी अरेबीयामा भेटवार्ता हुने संभावना रहेको छ । अमेरिकी विदेश मन्त्री मार्को रुबियो र राष्ट्रिय सुरक्षा सल्लाहकार माइक वाल्ट्जले पनि साउदी अरबमा रूसका वार्ताकारसँग भेट गर्नेछन् ।
ट्रम्प र रूसका नेता भ्लादिमिर पुटिन बीचको फोन कुराकानीको एक हप्ता भन्दा कम समयमा वार्ता र भेटघाट हुने तय भएको हो ।
युक्रेनी राष्ट्रपति जेलेंस्कीले युक्रेनको सहमति र सम्लग्नता बिना हुने कुनै पनि शान्ति सम्झौतालाई अस्वीकार गर्ने चेतावनी दिएका छन ।
युक्रेनको बारेमा अमेरिका र रूसले गरेका कुनै पनि निर्णय स्वीकार गर्ने बाध्यता युक्रेनलाई नरहेको उनले स्पष्ट पारेका हुन ।