दक्षिण कोरियाको एक निर्माणाधीन होटलमा आगलागी, ६ जनाको मृत्यु
प्रकाशित मिति : फाल्गुन २, २०८१ शुक्रबार
(250214) — BUSAN, Feb. 14, 2025 (Xinhua) — This photo taken on Feb. 14, 2025 shows the site of a fire at a construction site in Busan, South Korea. Six people were killed and seven others injured after fire broke out at a construction site in South Korea’s southeastern port city of Busan on Friday, according to multiple media outlets. (NEWSIS via Xinhua)
दक्षिण कोरियाको बन्दरगाह शहर बुसानमा निर्माणाधीन एक होटलमा शुक्रबार भएको आगलागीमा परी ६ जनाको मृत्यु भएको छ । यस्तै, ७ जना घाइते भएका छन् ।
स्थानीय समयअनुसार बिहान ११ बजेतिर ‘बनयान ट्रि होटल’ मा आगलागी सुरु भएको अधिकारीहरुले बताएका छन् ।
‘नेशनल फायर एजेन्सी’का एक अधिकारीले एएफपीलाई बताएअनुसार आगलागी हुँदा करिब १०० जना कामदार होटेलमा रहेका थिए ।
कामदारहरूले इन्सुलेसन सामग्री भण्डारण गरेको निर्माण स्थलको पहिलो तल्लाबाट आगलागी सुरु भएको हुन सक्ने अग्नि नियन्त्रण विभागका एक अधिकारीले पत्रकारलाई बताए।
दक्षिण कोरियाका कार्यवाहक राष्ट्रपति चोइ साङ–मोकले अधिकारीहरूलाई ‘आगो निभाउनका लागि उपलब्ध सबै कर्मचारी र उपकरणहरू पूर्ण रूपमा परिचालन गर्न’ आदेश दिएको अर्थ मन्त्रालयले जनाएको छ।
चोइले भने, “खोजी र उद्धार कार्यका क्रममा हताहत हुनबाट जोगाउन हरसम्भव प्रयास गरिनुपर्दछ र अग्निनियन्त्रकहरूको सुरक्षा पनि सुनिश्चित गर्नुपर्दछ।”
दिउँसो १ः३० बजेतिर आगो नियन्त्रणमा आएको थियो ।