अमेरिकाले स्टील र आल्मुनियममा मार्चदेखि आयात कर लगाउने

नेपाल डेस्क

प्रकाशित मिति : माघ २९, २०८१ मंगलबार

अमेरिकामा आयात हुने स्टील र आल्मुनियममा मार्चदेखि कर लगाइने भएको छ । राष्ट्रपति डोनाल्ड ट्रम्पले अमेरिका प्रवेश गर्ने सबै स्टील र आल्मुनियममा २५ प्रतिशत आयात कर लगाउने आदेश दिएका हुन ।

यो आयात कर मार्च ४ देखि लागू हुने छ । यो करले अमेरिका ल्याइने धातुहरूको मूल्य बढाउनेछ । स्टील र आल्मुनियमको लागि क्यानडा अमेरिकाको प्रमुख आपूर्तिकर्ता हो ।

आयातमा निर्भर अमेरिकी व्यवसायीहरूले घोषणा गरिएको कर प्रति चिन्ता व्यक्त गरेका छन् । तर ट्रम्पले कर लगाउने योजनाले घरेलु उत्पादनलाई बढावा दिने दावी गरेका छन ।

अमेरिकालाई फेरि धनी बनाउने अभियानको सुरुवात गरेको भन्दै ट्रम्पले आफनो निर्णयको बचाउ गरेका छन ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]

अमेरिकालाई आवश्यक पर्ने स्टील र आल्मुनियम अमेरिका मै उत्पादन र प्रयोग हुनुपर्दछ भन्दै ट्रम्पले यसो गर्न सकियो भने सस्तो हुने दावी गरे ।

आयात करहरु औषधि र कम्प्युटर चिप्समा पनि केन्द्रित हुन सक्ने ट्रम्पले संकेत गरेका छन । अमेरिकामा स्टीलको प्रमुख आपूर्तिकर्ताहरू क्यानडा, ब्राजिल र मेक्सिको हुन् ।

पछिल्लो वर्ष क्यानडाले अमेरिकाले आयात गर्ने आल्मुनियमको ५०प्रतिशत भन्दा बढी आपूर्ति गरेको थियो । यदि आयात कर लागू भए यसको सबैभन्दा ठूलो असर क्यानाडामा पर्ने अपेक्षा गरिएको छ ।