ट्रम्पले शपथ लिंदा अब्राहम लिंकनले प्रयोग गरेको बाइबल प्रयोग गर्ने
प्रकाशित मिति : ७ माघ २०८१, सोमबार
डोनाल्ड ट्रम्पले आज राष्ट्रपतिको रूपमा शपथ लिँदा अब्राहम लिंकनले प्रयोग गरेको बाइबल प्रयोग गर्ने उनको पदस्थापन समितिले घोषणा गरेको छ। लिंकनले १८६१ मा आफ्नो शपथ ग्रहण समारोहमा यही बाइबल प्रयोग गरेका थिए।
ट्रम्पले पदको शपथ लिँदा आफ्नो व्यक्तिगत बाइबल पनि प्रयोग गर्नेछन्। दुबै बाइबल ट्रम्पले २०१७ मा आफ्नो पदस्थापन समारोहमा प्रयोग गरेका थिए।
पूर्व राष्ट्रपति बराक ओबामाले आफ्नो दुवै पदस्थापन समारोहमा लिंकन बाइबल प्रयोग गरेका थिए। नवनिर्वाचित उपराष्ट्रपति जेडी भान्सले आफ्नी हजुरआमाका पालाको पारिवारिक बाइबल प्रयोग गरेर पदको शपथ लिनेछन्।