ट्रम्पलाई न्युयोर्कको फौजदारी मुद्दामा विनाशर्त रिहाइ

खसोखास अमेरिका ब्यूरो

प्रकाशित मिति : पुस २६, २०८१ शुक्रबार

नवनिर्वाचित अमेरिकी राष्ट्पति डोनाल्ड ट्रम्पलाई न्युयोर्कको फौजदारी मुद्दामा सजाय सुनाउने सुनवाई गरिएको छ । अमेरिकाका नवनिर्वाचित राष्ट्रपति डोनाल्ड ट्रम्पलाई हश मनी मुद्दामा सबै ३४ आरोपमा जेल सजायबाट उन्मुक्ति दिइएको छ । फैसला सुनाउँदै न्यायाधिस हुवान मर्चनले ट्रम्पलाई राष्ट्पतिमा दोस्रो कार्यकालमा सफलताको कामना गरेका छन् ।

अदालतले ट्रम्पलाई बिना शर्त रिहाइ दिएको छ । जसको अर्थ उनले यस मामिलामा उनले न कुनै जरिवाना तिर्नु पर्नेछ न कुनै जेल सजाय भोग्नु पर्नेछ। न्यायाधिस मर्चनले यस मामिलामा ट्रम्पलाई बिना शर्त रिहा गर्नु अमेरिकाको सर्वोच्च पदलाई अतिक्रमण नगरी दिइएको वैध सजाय भएको बताएका छन् ।

कुनै जेल सजाय वा जरिवाना नभएपनि महिनौंको ढिलाइ पछि नवनिर्वाचित राष्ट्रपति डोनाल्ड जे ट्रम्प शुक्रबार आपराधिक रूपमा सजाय पाउने पहिलो अमेरिकी राष्ट्रपति बनेका छन् । उनी जेल वा अन्य कुनै ठोस सजायबाट जोगिएपछि कारवाहीले सांकेतिक महत्त्व मात्र राखेको छ । यसले ट्रम्पलाई दोषीका रूपमा स्थितिलाई औपचारिक बनाएको छ ।

यस्तो अनौठो र उल्लेखनीय सेटको साथ यस अदालतलाई पहिले कहिल्यै प्रस्तुत नगरिएको तथा यो वास्तवमै असाधारण मामला भएको न्यायाधिस मर्चनले बताएका छन् । ट्रम्प सुनुवाईमा भर्चुअल रुपमा देखा परेका थिए । उनी फ्लोरिडाको मार ए लागो बाट भर्चुअल रुपमा उपस्थीत थिए । दुई ठूला अमेरिकी झण्डाहरूको अगाडि उनी आफ्ना एक वकिलसँग बसिरहेका थिए ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]

ट्रम्पलाई काण्डबाट बच्न २०१६ मा उनको मौनताको बदलामा पोर्न स्टार स्टर्मी डेनियललाई गोप्य रूपमा पैसा तिरेको र उक्त रकम ब्यापार खर्चमा देखाएको आरोप थियो । उनलाई गत वर्ष मे महिनामा यस मुद्दामा दोषी ठहर गरिएको थियो। ट्रम्पले जनवरी २० मा दोस्रो पटक अमेरिकी राष्ट्रपतिको सपथ लिनेछन्।