न्युयोर्कको राजमार्गमा विमानको आकस्मिक अवतरण
प्रकाशित मिति : पुस ५, २०८१ शुक्रबार
एउटा विमान चमत्कारिक रूपमा न्यूयोर्कको राजमार्गमा शुक्रबार आपतकालीन अवतरण गरेको छ । अवतरणका क्रममा विमानका पाइलट र दुई यात्रुलाई कुनै चोटपटक लागेको थिएन भने राजमार्गमा समेत कुनै सवारी चालकलाई नोक्सान पुगेको थिएन ।
अल्बानी जाँदै गरेको सानो विमान दिउँसो अल्बानी बाहिर एक्जिट २३ को आसपासमा राजमार्गको व्यस्त सडकमा अवतरण गरेको थियो । कुनै स्क्र्याच बिना नै आई ८७ मा विमान अवतरण गरेको प्रहरीले जनाएको छ ।
चमत्कारिक रूपमा विमानले कुनै पनि सवारी साधनलाई प्रहार नगरेको प्रहरीले शुक्रबार पत्रकारहरूलाई जानकारी दिएको थियो । कुनै पनि सवारी साधनलाई ठक्कर नदिई र कसैलाई चोटपटक नलगाई एउटा विमान राजमार्गमा अवतरण गर्नु एकदमै अनौठो भएको प्रहरीको भनाई छ ।
एस एण्ड एस एभिएसनमा दर्ता भएको उक्त विमान साउथ क्यारोलिनाबाट अल्बानी अन्तर्राष्ट्रिय विमानस्थलको लागि यात्रा गरिरहेको थियो । विमानले केही धमिलो र बरफको अवस्थाको बीचमा इन्जिन समस्या अनुभव गर्न थालेपनि आपतकालीन अवतरण गरिएको हो ।
पाइलटले अल्बानी एयरपोर्टमा एयर ट्राफिक कन्ट्रोललाई शान्तपूर्वक आपतकालीन अवतरण गर्न लागेको जानकारी दिएका थिए । तर पाइलटले थप केही माइल उडान नसक्ने महसुस गरेपछि विमान राजमार्गमा नै अवतरण गर्नुपरेको थियो ।