३ मंसिर २०८३, बिहिबार| Thursday, November 19, 2026
अध्यागमन

२०२५ देखि इलेक्ट्रोनिक भिसा प्रणाली लागु गर्दै यूके, कागजी भिसा स्टिकर हटाइने

By kaysha is licensed under CC BY-NC-ND 2.0.

आफ्नो अध्यागमन प्रणालीलाई पूर्ण रूपमा डिजिटलाइज गर्ने प्रयासहरूको एक भागको रूपमा यूकेले २०२५ देखि इलेक्ट्रोनिक भिसा प्रणाली लागु गर्ने भएको छ । २०२४ को अन्त्यसम्ममा कागजी भिसा स्टिकहरुका साथमा अन्य भौतिक अध्यागमन कागजातहरू विस्थापित गरिने भएको छ । अर्थात् भिसा स्टिकर जारी गरिने छैन ।

यसको सट्टा २०२५ देखि सबै व्यक्तिहरूको अध्यागमन स्थिति इलेक्ट्रोनिक रूपमा रेकर्ड गरिनेछ र व्यक्तिको यात्रा कागजातसँग लिङ्क गरिएको अनलाइन एकाउन्ट मार्फत पहुँचयोग्य हुनेछ। यो नयाँ ढाँचाले भिसाको योग्यता वा आवेदनका मापदण्ड र आवश्यकताहरूमा कुनै प्रभाव पार्दैन। केबल व्यक्तिहरूले आफ्नो अध्यागमन स्थिति प्रमाणित गर्ने तरिका मात्र परिवर्तन गर्नेछ।

raised United Kingdom flag

भौतिक भिसा स्टिकरहरू भएकाहरूले उनीहरूको इलेक्ट्रोनिक भिसामा पहुच कायम गर्न अनलाइन खाता सेट अप गर्नुपर्छ। डिसेम्बर ३१ मा समाप्त हुने बायोमेट्रिक निवास अनुमति भएकाहरूले अब अनलाइन एकाउन्टहरु सिर्जना गर्न सक्छन्।

आफ्नो बायोमेट्रिक निवास अनुमति गुमाएकाहरूले आफ्नो अनलाइन एकाउन्ट सिर्जना गर्न आफ्नो यात्रा कागजात, जस्तै राहदानी वा भिसा आवेदन नम्बर प्रयोग गर्न सक्छन्।

यदि व्यक्तिहरूले आफ्नो अनलाइन एकाउन्ट सिर्जना गर्ने बित्तिकै उनीहरूको विवरणहरू नदेखेमा उनीहरूले कुनै कदम चाल्नुपर्दैन । उनीहरूको इलेक्ट्रोनिक भिसा उपलब्ध भएपछि उनीहरूलाई इमेलद्वारा सिधै सम्पर्क गरिनेछ ।

नयाँ प्रणालीले अध्यागमन स्थिति प्रमाणित गर्न कुनै पनि कागजात बोक्नुपर्ने आवश्यकता हटाउनेछ । डिजिटल रेकर्डको रूपमा इलेक्ट्रोनिक भिसाहरु चोरीने, हराउने, वा छेडछाड हुने सम्भावना रहदैन । त्यसैले अध्यागमन स्थिति प्रमाणित गर्न थप सुरक्षा प्रदान गर्दछ।

लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →