दक्षिण कोरियाली लेखिका हान काङलाई साहित्यमा नोबेल पुरस्कार प्रदान
प्रकाशित मिति : आश्विन २४, २०८१ बिहीबार
दक्षिण कोरियाली लेखिका हान काङलाई साहित्यमा नोबेल पुरस्कार प्रदान गरिएको छ । ‘भेजिटेरियन’ नामको उपन्यासका लागि चर्चित उनी दक्षिण कोरियाबाट साहित्यमा नोबेल पुरस्कार पाउने पहिलो लेखिका हुन् ।
पुरस्कारको आयोजना गर्ने स्वीडिश एकेडेमीका स्थायी सचिव म्याट्स माल्मले स्टकहोममा आयोजित पत्रकार सम्मेलनमा हानले ऐतिहासिक पीडाको सामना गर्ने र मानव जीवनको कमजोरीलाई उजागर गर्ने उनको गहन काव्यात्मक गद्यका लागि यो सम्मान प्राप्त गरेको बताएका छन्
सन् २००७ मा कोरियामा प्रकाशित उपन्यास ‘द भेजिटेरियन ‘ अंग्रेजीमा अनुवाद गरेपछि २०१६ को ‘अन्तर्राष्ट्रिय बुकर पुरस्कार’ जितेको थियो । यो उपन्यास यो एक निराश गृहिणीमा केन्द्रित छ जसले मासु खान छोड्दा आफ्नो परिवारलाई चकित पार्छिन् । पछि उनी पूरै खान बन्द गर्छिन् र सूर्यको किरणबाट एक्लै बाँच्न सक्ने रुखमा परिणत हुन चाहन्छिन्।
नोबेल समितिका अध्यक्ष एन्डर्स ओल्सनले बिहीबार एक विज्ञप्ति जारी गर्दै हानले आफ्नो लेखनमा शरीर र आत्मा, जीवित र मृतक बीचको सम्बन्धको बारेमा अनौठो चेतना रहेको र उनको काव्यात्मक र प्रयोगात्मक शैलीमा समकालीन गद्यमा एक आविष्कारक बनेको बताएका छन् ।
५३ वर्षीय हानको जन्म सन् १९७० मा दक्षिण कोरियाको ग्वाङ्जुमा भएको थियो । उनका बुबा पनि एक उपन्यासकार थिए, तर धेरै कममात्र सफल भए । परिवार आर्थिक रूपमा संघर्ष गर्न बाध्य थियो भने बारम्बार बसाई सरेको थियो ।
जब हान ९ वर्षकी थिइन्, उनको परिवार ग्वाङ्जु विद्रोहको केही महिना अघि सियोलमा सरेको थियो, जब सरकारी सेनाले प्रजातन्त्र समर्थक प्रदर्शनकारीहरूको भीडमा गोली हान्दा सयौंको मृत्यु भयो। घटनाले हिंसाको लागि मानवताको क्षमतामा उनको विचारलाई आकार दिएको हानले बताएकी थिइन् । यसैको भूतले उनको लेखनलाई सताएको थियो ।
उनले कोरियाको योन्सेई विश्वविद्यालयमा साहित्यको अध्ययन गरेकी थिइन् । उनको पहिलो प्रकाशित कृतिहरू कविता थिए। उनको पहिलो उपन्यास ब्ल्याक डियर एक बेपत्ता महिलाको रहस्यका बारेमा थियो। यो उपन्यास १९९८ मा प्रकाशित भएको थियो । त्यही बेला उनले एक महिलाको बारेमा एउटा छोटो कथाको लागि विचार विकसित गरेकी थिइन् जो बिरुवा बन्छ । तर उनले यो कथा पछि शाकाहारीमा विकसित गरेकी थिइन् ।
नोबेल पुरस्कार विजेताका लागि उनी अपेक्षाकृत युवा भए पनि रडयार्ड किपलिङ भन्दा धेरै उमेरकी छिन् । रडयार्ड किपलिङले सन् १९०७ मा ४१ वर्षको उमेरमा नोबेल पुरस्कार पाएका थिए । हान आठ उपन्यासकी लेखिका हुन् ।