अन्तर्राष्ट्रिय फौजदारी अदालतमा सामेल हुने युक्रेनको निर्णय
प्रकाशित मिति : ५ भदौ २०८१, बुधबार
युक्रेनको संसद्ले अन्तर्राष्ट्रिय फौजदारी अदालत आइसिसी मा सामेल हुने पक्षमा मतदान गरेको छ ।
यसबाट किएभले रुसलाई आफ्नो आक्रमणका क्रममा गरेको युद्ध अपराधमा न्यायको दायरामा ल्याउन खोजेको देखिएको छ ।
आइसिसीले नरसंहार र मानवता विरुद्धको अपराध जस्ता गम्भीर अपराधहरूमा मुद्दा चलाउँछ । आइसिसीसँग पक्राउ वारेन्ट जारी गर्ने शक्ति रहेको छ । यसलाई कार्यान्वयन गर्न उसका १ सय २४ सदस्य बाध्य छन् ।
युक्रेनले सन् २००० मा अदालतको स्थापना गर्ने रोम विधानमा हस्ताक्षर गरेको थियो ।
तर केही राजनीतिक र सैन्य हस्तीहरूले युक्रेनी सैनिकहरूले अभियोजनको सामना गर्नुपर्ने हुनसक्ने आशङ्का व्यक्त गरेपछि यसलाई अनुमोदन गरेको थिएन ।