डेमोक्र्याटिक नेशनल कन्भेन्सन शिकागोमा सुरु, यसरी हेर्नुहोस् लाइभ
प्रकाशित मिति : भाद्र ३, २०८१ सोमबार
डेमोक्र्याटिक नेशनल कन्भेन्सन शिकागोमा सुरु भएको छ । राष्ट्रपति जो बाइडेन र हिलारी क्लिन्टनले सम्मेलनमा भाषण गर्ने तय भएको छ भने राष्ट्रपति जो बाइडेनले प्राइम टाइम सम्बोधन गर्ने भएका छन् ।
कमला ह्यारिसले गत महिना बाइडेनबाट टिकट लिएपछि पूर्व राष्ट्रपति डोनाल्ड ट्रम्पको बिरूद्धको दौडलाई रूपान्तरण गरिसकेकी छिन् । शिकागोमा उत्साहजनक र उत्सवमूलक भेला डेमोक्र्याटहरूका लागि बाइडेनको तुलनामा एकदमै फरक हो ।
यो हप्ता पार्टी र ह्यारिसका लागि पनि परीक्षाको घडी हो । किनभने यसले ह्यारिसले गाजामा युद्ध लगायतका मुद्दाहरूमा विभाजन भए पनि आफ्नो उम्मेदवारी र आफ्नो पार्टीलाई एकताबद्ध राख्ने प्रयासको संकेत दिनेछ । आयोजकहरूले साँझ साढे ६ बजे अधिवेशन सुरु गर्ने तयारी गरेपछि हजारौं प्रदर्शनकारीहरू युनाइटेड सेन्टरतर्फ लागेका थिए ।
दोस्रो कार्यकालका लागि उम्मेदबारी नखोज्ने यस अगाडिका राष्ट्रपति लिन्डन बी जोन्सन सन् १९६८ मा पार्टीको अधिवेशनमा सहभागी भएका थिएनन् । उक्त अधिवेशन पनि शिकागोमा नै भएको थियो । यसको विपरित बाइडेनले भने आज राती बोल्नेछन् जुन राष्ट्रिय मञ्चमा उनको अन्तिम ठूलो क्षणहरू मध्ये एक हुन सक्छ। यो पार्टीका लागि बाइडेनलाई सम्मान गर्ने र प्रारम्भिक विदाई सम्बोधनमा उनलाई मौका दिने अवसर हुनेछ ।
बाइडेनले पछि हटेर ह्यारिसलाई समर्थन गरेको एक महिना भन्दा कम समयमा भएको अधिवेशनमा ह्यारिसलाई भविश्यमा कस्तो हुनेछिन् आफ्नोबारे परिचय दिने मौका हुनेछ । हिलारी क्लिन्टनको भाषणलाई पनि उत्सुकताका साथ हेरिएको छ । २०१६ मा डोनाल्ड ट्रम्पले पहिलो महिला राष्ट्रपति बन्नबाट हिलारीलाई रोकेका थिए । अब यो ह्यारिसले तोड्न खोजिरहेकी छिन् । सोमबारका लागि निर्धारित अन्य वक्ताहरूमा न्यूयोर्ककी सांसद अलेक्जान्ड्रिया ओकासियो कोर्टेज र युनाइटेड अटोमोबाइल वर्कर्सका अध्यक्ष शान फाइन जस्ता प्रभावशाली युनियन नेताहरू सामेल छन्।
अधिवेशन यहाँ लाइभ हेर्नुहोला ।