बेलायतमा सरकारीको भन्दा गैरसरकारी कर्मचारीको तलब धेरै बढ्ने
प्रकाशित मिति : जेष्ठ १, २०८१ मंगलबार
Britain’s Prime Minister Rishi Sunak delivers the opening speech on the first day of the Ukraine Recovery Conference in London on June 21, 2023. Leaders and representatives from more than 60 countries are in London for a two-day conference to secure funding to help Ukraine recover from the ravages of war. (Photo by HENRY NICHOLLS / POOL / AFP)
बेलायतमा गैरसरकारी कामदारको तलव ४ प्रतिशत बढ्ने भएको छ । यो सरकारी तलव बृद्धिको अनुपातमा १ प्रतिशत बढि हो ।
सरकारी क्षेत्रमा भने ३ प्रतिशत आसपास तलब बढ्ने देखिएको छ । त्यहाँका रोजगारदाताहरुले आगामी १२ महिनाभित्र ४ प्रतिशतभन्दा धेरैले तलब बढाउने अपेक्षा गरिएको छ ।
महँगी केही सुस्त बनेको र श्रम बजारमा सुस्ती जारी रहँदा तलब वृद्धिको योजनामा थोरै हेरफेर हुन सक्ने सीआईपीडीका श्रम बजार अर्थशास्त्री जेम्स कोक्केटले भन्नुभएको छ ।
चार्टर्ड इन्स्टिच्युट अफ पर्सनल एन्ड डेभलपमेन्ट सीआईपीडीले गरेको सर्वेक्षणले यस्तो देखाएको हो । त्यहाँको निजी क्षेत्रमा व्यवसाय तथा रोजगारदाताहरूले औसत ४ प्रतिशतका दरले तलब बढाउने देखिएको छ ।
अर्को बौद्धिक समूह रिजोल्युशन फाउन्डेशनले सार्वजनिक भएको अर्को छुट्टै प्रतिवेदनमा महँगीसँगको समायोजनपछिको तलब वृद्धि अहिलेकै दरमा दिगो देखिने बताएको थियो ।
गएको हप्ता बेलायती केन्द्रीय बैंक ‘बैंक अफ इङ्गल्यान्ड’ बीओईले सार्वजनिक गरेको प्रतिवेदनले पनि आगामी एक वर्षको अवधिमा बेलायतमा तलब ४ दशमलव ६ प्रतिशतले बढ्न सक्ने देखाएको थियो ।
उच्च स्तरमा रहेको महँगी नियन्त्रण गर्न बोओईले गएको हप्ता ब्याजदर १६ वर्षकै उच्च स्तरमा यथावत् राख्ने घोषणा गरेको थियो ।