नागासाकी हमलामा बाँचेका हुलाकीको ८८ बर्षको उमेरमा मृत्यु

नेपाल डेस्क

---

प्रकाशित मिति : भाद्र १४, २०७४ बुधबार

टोकियो, १४ भदौ । दोस्रो विश्वयुद्धको क्रममा जापानको नागासाकीमा भएको हमलामा परी घाइते भएर बाँचेका एकजना व्यक्तिको ८८ बर्षको उमेरमा बुधबार निधन भएको समाचार छ ।

त्यस समयमा उनी हुलाकीको जागिरमा थिए । त्यस समयमा १६ बर्षका मात्र रहेका उनले बम हमला भएको समयमा पनि खबर पु¥याउने आफ्नो जिम्मेवारी पूरा गरेका बताइएको थियो ।

उनी एटम बमको आक्रमणमा परेका थिए । शरीरको दे्रब्रे भाग जलेको र पछि उपचारपछि बाँचेका उनले पछि पनि आफ्नो सोही पेसामा रहेर काम गरेका थिए ।

सन् १९४५ को अगष्ट ९ का दिन बिहान जापानी नगर नागासाकीमा अमेरिकालेबम हानेको थियो । त्यसको तीन दिनमात्र अघि जापानको हिरोसिमामा जापानले अर्को शक्तिशाली बम हानेको थियो ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

नागासाकीमा हानेको बम लागेर घाइते भएका ती सुमितेरु तानिगुचीको बुधबार ८८ बर्षको उमेरमा निधन भएको समाचारमा जनाइएको छ ।

जापानको दक्षिणपश्चिमी एक अस्पतालमा उपचार गराइरहेका ती जापानी नागरिकको क्यान्सरको रोगबाट बुधबार निधन भएको प्राप्त समाचारमा जनाइएको छ ।

पछि उनी जापानमा आणविक बम विरुद्धमा चेतना जगाउने काममा काम गरेका थिए । उनलाई एटमिक बमको हानीका विरुद्ध तथा शान्तिका लागि सञ्चालित अभियानका एक सशक्त अभियन्ताको रुपमा लिने गरिन्थ्यो ।

सोही कारण सुमितेरुलाई एक समयमा नोवेल शान्ति पुरस्कारको दाबेबारका रुपमा पनि निकै प्रचार गरिएको थियो । तर उनलाई सो पुरस्कार भने प्राप्त हुन सकेन ।

बम लागेपछि पनि उनी त्यहाँबाट करिब १।८ किलोमीटर परसम्म पुगेर साइकल चढेर पुगेका थिए । त्यसपछि अचेत भइ भूईमा लडेका उनलाई अस्पताल पु¥याइएको थियो ।

सन् २०१५ मा आयोजना गरिएको नागासाकी हमलाको बारेमा जानकारी दिन आयोजना गरिएको एक समारोहमा आफ्नो अनुभव उनले यसरी सुनाएका थिए ‘पछिबाट निकै तातो र कडा खालको धुवाँको मुस्लो आएको देखँे र यो के होला भन्दाभन्दै मलाई नै त्यो मुस्लोले डढायो ।’

सो कार्यक्रममा आफ्नो ७० बर्षभन्दा पुरानो अनुभव सुनाउँदै उनले भनेका थिए ‘म भूईमा लडेँे । पछि एकैछिनमा उठेर हेरेको मेरो शरीरको देब्रे भाग सबै जलेको थियो । कपडा पनि जलेका थिए । साहस गरेँ र साइकला चलाएरै म जानुपर्ने गन्तव्यमा पुगेँ । पछि त बेहोस भएर लडिछु अनि मलाई अस्पताल पु¥याएछन् ।’

उनको बुधबार निधन भएको खबर निहोन हादियान्को नामक एक संस्थाले गरेको छ । उक्त संस्था नागासाकीमा बम हमलाबाट घाइते भएर बाँचेका व्यक्तिहरुको उपचार र रेखदेखको लागि काम गरिरहेको संस्था हो ।

हिरोसिमा र नागासाकीमा भएको हमलामा परी साढे तीन लाखभन्दा बढी व्यक्तिले ज्यान गुमाएका थिए । त्यस्तै त्यसमा परी घाइते भएका लाखौँ व्यक्तिले उपचार पछि अङ्गभङ्ग भएर बाँचेका छन् । रासस