५ बर्षदेखि अमेरिकामा विमान मर्मत गर्दै आएका सन्दिपका नेपालमा दुर्घटना कम गर्न ५ सुझाव
प्रकाशित मिति : माघ ३, २०७९ मंगलबार
५ बर्षदेखि अमेरिकामा विमान मर्मत र निरीक्षण गर्दै आएका सन्दिप सापकोटाले नेपालमा विमान दुर्घटना कम गर्न ५ सुझाव दिएका छन् । एयरफ्रेम एण्ड पावरप्लान्ट टेक्निसियन र रिक्वायर्ड इन्सपेक्सन आइटम नीरिक्षकका रुपमा काम गर्दै आएका अमेरिकाको न्युजर्सी निवासी सापकोटाले अमेरिकामा चर्चित एयरलाइन्सहरुका सयौंपटक विमान नीरिक्षण गरिसकेका छन् । उनले मर्मत र नीरिक्षण गरेका कैयन विमानहरु अमेरिकामा उडान योग्य र सकृय छन् ।
सापकोटाले नेपालमा हाल चलेका चलाईएका सबै विमानहरु २ महिनाको लागि पूर्णरुपमा रोकेर सुरुबाटै नीरिक्षण लगायत सबैकुराको थालनी गर्न सुझाव दिएका छन् । उनले सबै विमानको ५ बर्षको मर्मतको इतिहास निकाल्न सुझाव दिएका छन् ।
विशेषज्ञहरु बोलाएर नै ती विमानहरुको पूर्णरुपमा र गहिरोरुपमा नीरिक्षण र परीक्षण गर्न समेत उनले सुझाव दिएका छन् । कन्फिगरेसन विचलन सूची सीडीएल, न्यूनतम उपकरण सूची एमईएल, अत्यावश्यकबाहेकका उपकरण र सामानहरू एनईफ सहित एयरफ्रेम र पावरप्लान्टको भारी जाँच गर्न उनले सुझाव दिएका हुन् ।
प्रत्येक विमान कम्पनीका मर्मतसम्भार प्रतिनिधिको उच्च योग्य टिम बोलाएर विमानको नोज टु टेल जाँच गर्न समेत उनले सुझाव दिएका छन् । प्रत्येक चालक दलका सदस्यको पुन मूल्याङ्कन सिमुलेटर प्रशिक्षण र मानसिक र शारीरिक चेक जाच समेत आवश्यक भएको उनको भनाई छ ।
यो सामान्य काममात्र गर्नसक्ने नेपालमा विमान दुर्घटना कम हुनसक्ने उनको विश्वास छ । आफूले अमेरिकामा ५ बर्ष यसक्षेत्रमा काम गरेको अनुभवका आधारमा यी सुझावहरु दिएको उनले बताएका छन् । दुर्घटनामा परेको विमानको अबिलम्ब नियमित मर्मत र नीरिक्षण सहित सबै मर्मतको इतिहास सार्वजनिक गर्नुपर्ने उनको भनाई छ ।