३ मंसिर २०८३, बिहिबार| Thursday, November 19, 2026
अध्यागमन

अमेरिका लगायतका देशबाट यात्रा गर्दा अनलाइनबाट अनुमति लिनुपर्ने नियम ल्याउँदै बेलायत

silhouette of passport booklet with airplane window background

बेलायतले अमेरिका लगायतका भिसा नचाहिने देशबाट यात्रा गर्दा अनलाइनबाट अनुमति लिनुपर्ने नियम ल्याउने भएको छ । विद्युतीय यात्रा अनुमति ईटीए नामको यो प्रणाली सन् २०२४ भित्र लागु गर्ने योजनामा बेलायत रहेको छ ।

अमेरिकाले लागु गरेको यात्रा अनुमतिका लागि विद्युतीय प्रणाली र युरोपले लागु गर्न लागेको युरोपियन यात्रा सुचना तथा अनुमति प्रणालीजस्तै गरी बेलायतले पनि यो प्रणाली ल्याउन लागेको हो । यो प्रणाली अन्तरगत बेलायत जानका लागि भिसा नचाहिने देशका नागरिकहरुले यात्रा गर्नु अगाडि अनलाइनमा दर्ता गर्नुपर्नेछ ।

white and blue airplane on airport during daytime

सफलताका साथ दर्ता गरिसकेका यात्रुहरुलाई बेलायत प्रवेश गर्ने बेलामा अनुहार चिन्ने प्रणालीबाट जाँच गरिनेछ । त्यसपछि उनीहरुले बोर्डर चेकविना नै वा विद्युतीय पासपोर्टको गेटबाट बेलायत प्रवेश गर्न सक्नेछन् । अनलाइनबाट दर्ता गर्दा शुल्कसमेत लाग्नसक्ने अपेक्षा गरिएपनि बेलायत सरकारले अहिलेसम्म शुल्क भने तय गरिसकेको छैन ।

सीमा र अध्यागमन प्रणालीको रूपान्तरणको एक भागको रूपमा यो प्रणाली लागु गर्न लागिएको बेलायतको होम अफिसले जनाएको छ । बेलायतमा उनीहरु आउनु अगाडि नै जोखिम छ वा छैन भन्नेबारे मूल्याङ्कन गर्न यो प्रणाली लागु गर्न लागिएको हो । युरोपियन इकोनोमिक एरियाबाट प्रवेश गर्नेहरुलाई समेत यो प्रणालीमा दर्ता गर्नुपर्नेछ ।

युरोपका देशमा भिसा नचाहिने देशका नागरिकले यात्रा गर्न अनलाइनमार्फत दर्ता गर्नुपर्ने नियम आगामी मेबाट लागु हुने भएको छ ।

यी देशबाट युरोपको यात्रा गर्दा आगामी मेबाट विद्युतीय प्रणालीमा दर्ता गर्नुपर्नेछ ।

९० दिनमात्र यात्रा गर्न चाहने भिजिटरका सन्दर्भमा यो नियम लागु हुनेछ ।

युरोपका यी देशहरुमा जानका लागि आगामी मेबाट विद्युतीय प्रणालीमा दर्ता गर्नुपर्नेछ ।
लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →