अमेरिकामा नेपाली उत्पादन अब मोबाइल एपबाटै अर्डर गर्न सकिने
प्रकाशित मिति : बैशाख २, २०७९ शुक्रबार
अमेरिकामा नेपाली उत्पादनहरु अब मोबाइल एप्लीकेशनबाटै अर्डर गर्न सकिने भएको छ । मल्को अनलाइन स्टोरले नेपाली अमेरिकनहरु र नेपाली उत्पादनमा रुचि राख्नेहरुका लागि मोबाइल एप्लीकेशनको सुरुवात गरेको हो ।
टेक्सास लुईशभिलको म्युजिक सिटी मल भित्र स्थानीय आउटलेट रहेको अनलाइन स्टोरमा दैनिक वा विशेष अवसरका लागि प्रयोग गर्न सकिने विभिन्न प्रकारका नेपाली उत्पादनहरू रहेका छन् । मल्कोले आफ्नो वेबसाइट मार्फत २०२० मा महामारी सुरु भएदेखि नै आफ्ना लक्षित ग्राहकहरूलाई उत्कृष्ट नेपाली उत्पादनहरू प्रदान गर्दै आएको जनाएको छ।
मलकोमा नेपालका टप ब्रांड प्याकेज्ड नेपाली चाउचाउ, चिउरा, अचार, मरमसला, स्नैक्सका साथै नेपाली भाडा, पूजा समाग्री, र सिजनल तथा परम्परागत नेपाली पोशाक उपलब्ध रहेका छन् ।
मल्को मोबाइल एप मार्फत आजको व्यस्त जीवनमा समय र पैसाको बचत गर्दै एउटै एपबाट विभिन्न प्रकारका नेपाली उत्पादनहरू अर्डर गर्नका साथसाथै अर्डर ट्रैकिंग गर्न अझै सजिलो हुने मल्कोका सीईओ प्रतीक सुवेदीले जानकारी दिए । मल्कोले अमेरिकामा रहेका नेपाल र नेपालीबीचको दुरीलाई अमेरीकाको हरेक कुनामा नेपाली समानको पहुँचले घटाएको उनको भनाई छ ।
मल्को अनलाइन स्टोरमा १२ सय भन्दा बढी प्रामाणिक नेपाली उत्पादन र किराना सामानहरू उपलब्ध छन् । मल्को एप मार्फत ६९ डलर भन्दा माथिको अर्डरमा निस्शुल्क ढुवानी र डेलिभरीको सुबिधा छ ।
मल्कोमा परम्परागत नेपाली विवाहका लागि हिन्दू र बौद्ध रितिरिवाजका वस्तुहरूको साथसाथै विवाहका सामानहरू पनि किन्न सकिन्छ । ग्राहकको ढुवानी क्षेत्रको आधारमा, मल्कोले १ देखि ५ दिनभित्र अर्डरहरू पूरा गर्ने दावी गरिएको छ ।
आईफोनमा एप्लीकेशन डाउनलोड गर्न यहाँ क्लीक गर्नुहोला ।
एन्ड्रोइडमा एप्लीकेशन डाउनलोड गर्न यहाँ क्लीक गर्नुहोला ।