नेपालको टीपीएस १५ महिना थपिएको समाचारबारे औपचारिक सुचनाको प्रतिक्षा
प्रकाशित मिति : भाद्र २३, २०७८ बुधबार
नेपाल लगायतको टीपीएसको अवधि सन् २०२२ को डिसेम्बर ३१ सम्मका लागि स्वत थप गरिएको श्रोतलाई उद्दृत गर्दै ल्याटिनो संचारमाध्यमहरुले समाचार प्रकाशित गरेका छन् । नेपालसहित होण्डुरस, एल साल्भाडोर, निकारागुवा र सुडानको टीपीएसको अवधि पनि १५ महिना थप गरिएको समाचारमा उल्लेख गरिएको छ ।
यसबारे अमेरिकी सरकारका तर्फबाट भने अहिलेसम्म औपचारिक सुचना प्रकाशित गरिएको छैन । यसबारेको आधिकारिक सुचना आगामी केहीदिनमा नै फेडरल रजिष्टरमा प्रकाशित हुने अपेक्षा गरिएको छ ।
Diputado Reynaldo Cardoza se refirió a la extensión del TPS. pic.twitter.com/tyJruH5zOi
— Noticiero Hechos (@NoticieroHechos) September 8, 2021
केही संचारमाध्यमहरुले टीपीएसको अवधि थपिएको बताएपनि नेपालीहरुले भने औपचारिक रुपमा सरकारी सुचनाको प्रतिक्षा गरिरहेका छन् ।
अहिलेसम्म नेपालीका टीपीएसको कागजातको अवधि अक्टोबर ४ सम्म कायम रहेको छ । आप्रवासी अधिकारका क्षेत्रमा काम गरिरहेका अधिकारकर्मीहरुले टीपीएसको अवधि थप गरिएपनि स्थायी समाधानका लागि टीपीएसवाहकलाई ग्रिनकार्ड हुँदै नागरिकताको बाटोमा लैजानुपर्ने बताएका छन् ।