को हुन् अमेरिकामा दुर्ब्यबहारमा परेका नेपाली उबर चालकका लागि फण्डरेज गर्ने सायन ?
प्रकाशित मिति : फाल्गुन २७, २०७७ बिहीबार
क्यालिफोर्नियामा मास्क लगाउन नमान्ने ग्राहकको दुर्ब्यबहारमा परेका नेपाली शोभाकर खड्काका लागि सहयोग गर्न गोफण्डमीमा सायन बेनिस्टरले सुरु गरेको फण्डरेजमा ६४ हजार डलरभन्दा धेरै संकलन भइसकेको छ । बेनिस्टरले त्यसमा २० हजार डलर आफ्ना तर्फबाट म्याच गर्ने घोषणा गरेकी छिन् । यसरी खड्काका लागि ८४ हजार डलर भन्दा धेरै संकलन भएको छ ।
यसरी खड्काका लागि फण्डरेज सुरु गर्ने सायन बेनिस्टर ४४ बर्षीया अमेरिकन लगानीकर्ता र व्यवसायी हुन् । उबरकी सुरुकी लगानीकर्ता समेत रहेकी उनी अमेरिकामा स्टार्टअप सुरु गर्दा सुरुको चरणमा लगानी गर्ने व्यवसायीका रुपमा परिचित छिन् । उनी उबरका साथै पोस्टमेट्स, नियान्टिक र डीपमाइन्डकी समेत सुरुको चरणकी लगानीकर्ता हुन् ।
I posted an update. Goal reached, but if you know of a good attorney for Subhakar, please point them my way. https://t.co/AsUaDbIPnh @gofundme
— Recall Chesa Boudin (@cyantist) March 10, 2021
उनी सान फ्रान्सिस्कोमा रहेको भेन्चर क्यापिटल फण्ड फाउण्डर्स फण्डकी पहिलो महिला लगानीकर्ता पार्टनर समेत हुन् । एरिजोनामा हुर्कीएकी उनी कुनै बेला होमलेस समेत हुनुपरेको थियो । जसका कारण उनले हाइस्कुल समेत छाड्नु परेको थियो । उनले आफू सडकबाट साहसी लगानीकर्ता कसरी भइन् भन्ने सन्दर्भमा सन् २०१८ मा आफ्नो कथा बताएकी थिइन् ।
उनी अहिले आफ्ना श्रीमानका साथ सान फ्रान्सिस्कोमा बस्दै आएकी छिन् भने सामाजिक उदार मुक्तिवादीका रुपमा परिचित छिन् । उनी सन् २०१६ मा लैंगिक अल्पसंख्यकका रुपमा बाहिर आएकी थिइन् । उबरले दुर्ब्र्यबहारमा परेका नेपाली शोभाकर खड्कालाई १२० डलर क्षतिपूर्ति दिने बताएकोमा उबरको यो कदमप्रति असहमति जनाउँदै उनले खड्काको कानूनी सहायता, भाडा, जीवनयापन लगायतका लागि सहयोग गर्न फण्डरेज सुरु गरेकी हुन् ।
Here is the verified GoFundMe to support Subhaker Khadka—the Uber driver who was physically assaulted & pepper sprayed by a group of passengers who refused to wear facial masks. https://t.co/rgxrk7PJM3
— GoFundMe (@gofundme) March 9, 2021
उनले सुरु गरेको फण्डरेजलाई गोफण्डमीले समेत आधिकारिक फण्डरेजका रुपमा शेयर गरेको छ । ट्वीटरमा उनले आफ्नो वास्तवीक नाम राखेकी छैनिन् र सान फ्रान्सिस्को सुरक्षित भएपछि एकाउन्ट डिलिट गर्ने बताएकी छिन् । उनको ट्वीटर ह्याण्डमा नाम रिकल चेसा बुडिन रहेको छ ।
उनले अहिलेसम्म सयौं गोफण्डमीमा सहयोग गरेपनि आफ्नै तर्फबाट सेटअप गरेको भने पहिलोपटक भएको बताएकी छिन् ।
क्यालिफोर्नियाको सान फ्रान्सिस्कोमा नेपाली उबर चालक शोभाकर खड्कामाथि आइतबार एकजना युवतीले पेपर स्प्रे गर्ने, मास्क च्यात्ने, अपशब्द बोल्ने र दुब्र्यहबार गरेकी थिइन् ।
उबरले नेपाली चालकमाथि भएको यो आक्रमण भयावह भएको बताउँदै दुर्ब्यर्बहार गर्ने यात्रुको एकाउन्ट खारेज गरिदिएको थियो । उबरले क्षतिपूर्ति वापत चालक खड्कालाई १२० डलर दिएको थियो । ती युवतीले अब लिफ्ट चढ्ने घोषणा गरेकी थिइन् । तर लगत्तै लिफ्टले पनि ती युवतीमाथि प्रतिबन्ध लगाएको थियो ।
घटना लिफ्टसँग सम्बन्धित नरहेको भएतापनि चालकमाथि भएको दुब्र्यबहार अस्वीकार भएको लिफ्टले जनाएको थियो । त्यसैकारण ती युवतीलाई लिफ्टमा स्थायीरुपमा नै प्रतिबन्ध लगाइएको लिफ्टले स्पष्ट पारेको थियो ।
ती युवतीलाई मास्क लगाउन आग्रह गर्दा उनी र उनको समुहले आइतबार नेपाली उबर चालक खड्कामाथि खोक्नुका साथै मास्क च्यात्ने, फोन खोस्ने, पिरो स्प्रे छर्कने तथा अपशब्द बोल्ने लगायतका दुब्र्यबहार गरेका थिए ।
खड्काले आफूमाथि दक्षिण एसियाली आप्रवासी भएका कारण उनीहरुले निशाना बनाएको र विभेदकारी गाली गलौज समेत गरेको स्थानीय संचारमाध्यमलाई बताएका छन् । ३२ बर्षका खड्कामाथि आइतबार दिउसो सिल्भर एभिन्यु र सान ब्रुनो एभिन्युमा दिउसो पौने १ बजे यस्तो दुब्र्यबहार भएको थियो ।
गाडीमा चढेकी ती महिलाले मास्क लगाउन अस्वीकार गरेपछि आफूले गाडी रोकेको तथा मास्क किन्नका लागि ग्यास स्टेशनति गाडी लैजाने क्रममा ती महिलाले दुब्यबहार सुरु गरेको खड्काले बताएका छन् । भिडियोमा गाडीमा चढेकी महिलाले खड्कामाथि खोकेको देख्न सकिन्छ ।
ती महिलाले हातबाट फोन खोस्नुका साथै चालकको मास्क समेत च्यातेको भिडियोमा देखिएको छ । गाडीमा चढेका अन्य महिलाले चालकमाथि अपशब्द बोल्नुका साथै दुब्र्यबहार गरेको भिडियोमा देखिएको छ ।
अमेरिकामा नेपाली उबर चालकमाथि दुर्ब्यबहार गर्ने महिला पक्राउ, तीन अभियोग