आईआरएसबाट ट्याक्स फाइलको मिति घोषणा, फेब्रुअरी १२ देखि सुरु
❒ आईआरएसबाट ट्याक्स फाइलको मिति नियमितको तुलनामा ढिलो घोषणा, फेब्रुअरी १२ देखि कागजी र विद्युतीय ट्याक्स फाइल स्वीकार्न सुरु गर्ने
❒ सकभर विद्युतीय रुपमा नै ट्याक्स फाइल गर्न सुझाव, राहत चेक नपाएकाहरुले उक्त रकम क्रेडिट वा रिफण्डका रुपमा पाउने
❒ बेरोजगारी विमा वा महामारी बेरोजगारी सहायताको रकम रिपोर्ट गर्नुपर्ने, ट्याक्स विथहोल्ड नगरेकाहरुले रकम तिर्नुपर्ने
❒ निशुल्क ट्याक्स फाइल गर्न चाहनेहरुका लागि निशुल्क फाइलिङ खुला, यसरी जाँच्नुहोस् आफ्नो योग्यता
❒ खसोखासमा थप समाचारहरुका लागि यहाँ क्लीक गर्नुहोला ।
अमेरिकाको आन्तरिक राजस्व सेवा आईआरएसले ट्याक्स फाइलको मिति घोषणा गरेको छ । जस अनुशार फेब्रुअरी १२, २०२१ देखि ट्याक्स फाइल गर्न सकिनेछ । आईआरएसले उक्त दिनदेखि कागजी र विद्युतीय ट्याक्स फाइल स्वीकार्न सुरु गर्नेछ ।
फेबु्रअरी १ अगाडि नै ट्याक्स फाइलको मिति घोषणा गर्ने अपेक्षा गरिएपनि अपेक्षा गरिएको भन्दा झण्डै २ साता पछाडिमात्र यो मिति घोषणा गरिएको छ । डिसेम्बर २७ मा परिवर्तन भएको ट्याक्स कानुन अनुशार थप प्रणालीको परीक्षणका लागि समय लाग्ने भएकाले ट्याक्स फाइल गर्ने मितिमा ढिलाई गरिएको जनाइएको छ ।
खासगरी दोश्रो चरणको राहत चेक समेत समावेश गर्नुपर्ने भएकाले केही ढिलाई गरिएको जनाइएको छ । अमेरिकामा कोरोनाको महामारीका कारण पहिलो र दोश्रो चरणको राहत चेकका लागि योग्य भएका तर कुनै कारणवश राहत चेक प्राप्त गर्न नसकेकाहरुले ट्याक्स फाइल गर्दा उक्त रकमको क्रेडिट प्राप्त गर्नेछन् ।
यसपटक सकभर विद्युतीय रुपमा नै ट्याक्स फाइल गर्न सुझाव दिइएको छ । छिटो रिफण्ड प्राप्त गर्न चाहनेहरुले पनि विद्युतीय रुपमा ट्याक्स फाइल गर्नुपर्ने र डिपाजिटका लागि बैंक एकाउन्ट दिंदा उपयुक्त हुने आईआरएसको सुझाव रहेको छ ।
कतिपय कम्पनीहरु र पेशाकर्मीहरुले फेबु्रअरी १२ अगाडि नै अग्रिम फाइलका लागि आव्हान गरेपनि उक्त मितिभन्दा अगाडि विवरणमात्र संकलन हुने र वास्तविक रुपमा फाइल भने फेबु्रअरी १२ पछाडि नै हुने जनाइएको छ । आईआरएसको प्रणाली खुला भएपछिमात्र ती कम्पनी र ट्याक्स सम्बन्धी काम गर्ने पेशाकर्मीहरुले ट्याक्स फाइल गर्न सक्नेछन् ।
गतबर्ष औषत ट्याक्स रिफण्ड रकम प्रतिव्यक्ति २५ सय डलर रहेको थियो । यो बर्ष १५० मिलियन भन्दा धेरै ट्याक्स रिटर्न फाइल गर्ने अपेक्षा गरिएको छ । ट्याक्स फाइल गर्नुपर्ने डेडलाइन अप्रिल १५ सम्म रहेको छ । डेडलाइन थप हुनसक्ने सम्भावना रहेपनि अहिलेका लागि भने अप्रिल १५ कै डेडलाइन कायम गरिएको हो ।
यसपटक कोरोनाको महामारीका कारण कैयनले बेरोजगारी विमा रकम वा महामारी बेरोजगारी सहायता रकम प्राप्त गरेकाले १०९९ जी समेत रिपोर्ट गर्नुपर्नेछ । ट्याक्स विथहोल्ड नगरी पूरै रकम लिएकाहरुले ट्याक्स फाइल गर्दा रकम तिर्नुपर्ने अवस्था समेत आउनसक्छ ।
निशुल्क ट्याक्स फाइल गर्न चाहनेहरुका लागि सेवा प्रदायकहरुले विवरण स्वीकार गर्न सुरु गरिसकेका छन् । तर उनीहरुले पनि उक्त विवरण फेबु्रअरी १२ पछि नै आईआरएसलाई बुझाउनेछन् । यदि राहत चेक पूर्णरुपमा प्राप्त नगरेकाहरुले समेत निशुल्क फाइल गर्दा उक्त चेक दावी गर्न सक्नेछन् ।
निशुल्क फाइल गर्न चाहनेहरुले आफ्नो योग्यता थाहा पाउन र निशुल्क फाइल गर्न यहाँ क्लीक गर्नुहोला ।
