राष्ट्रपति र प्रधानमन्त्रीलाई भूमि व्यवस्था मन्त्री अर्यालद्धारा नयाँ नक्शा हस्तान्तरण
प्रकाशित मिति : जेष्ठ ९, २०७७ शुक्रबार
राष्ट्रपति विद्यादेवी भण्डारीलाई भूमि व्यवस्था, सहकारी तथा गरिबी निवारण मन्त्री पद्मा अर्यालले नेपालको नयाँ नक्शा बुझाउनुभएको छ । मन्त्री अर्यालले शुक्रबार राष्ट्रपति भवन शीतल निवास पुगेर नेपाल राजपत्रमा प्रकाशित नयाँ नक्शा बुझाउनुभएको हो ।
यसैबीच उहाँले प्रधानमन्त्री केपी शर्मा ओलीलाई पनि नयाँ नक्शा बुझाउनुभएको छ । त्यस्तै, मन्त्री अर्यालले उपराष्ट्रपति नन्दबहादुर पुन, सभामुख अग्नी सापकोटा, राष्ट्रियसभाका अध्यक्ष गणेश तिम्लिसना तथा प्रतिपक्षी दलका नेता शेरबहादुर देउवालाई पनि नयाँ नक्सा बुझाउनुभएको छ ।
भूमि व्यवस्था मन्त्रालयले गत बुधरबामात्रै छिमेकी राष्ट्र भारतले अतिक्रमण गरेको लिम्पियाधूरा, लिपुलेक र कालापानीसमेत समेटेर नयाँ राजनीतिक तथा प्रशासनिक नक्शा जारी गरेको थियो ।