कांग्रेस नेताहरुले भिडियो कलमा भने,-‘केपी ओलीले अब मुलुक धान्न सक्दैनन्’
प्रकाशित मिति : बैशाख १६, २०७७ मंगलबार
नेपाली कांग्रेसका केन्द्रिय सदस्यहरुले विश्वभर रहेका कांग्रेस सर्मथित नेताहरुलाई कोरोना महामारीमा परेका नेपालीहरुको सहयोगका लागि जुट्न आग्रह गरेका छन् । नेपालको स्थानिय समय अनुसार मंगलबार साँझ भएको भिडियो बैठकमा केन्द्रिय सदस्यहरुले यस्तो आग्रह गरेका हुन् ।
जनसम्पर्क समिति अमेरिकाका पूर्व संयोजक बिष्णु सुवेदीले संयोजन गरेको बैठकमा नेपाली कांग्रेसका केन्द्रिय सदस्य तथा राष्ट्रिय सभाका बिपक्षी दलका पूर्व नेता सुरेन्द्र पाण्डे, केन्द्रिय सदस्य एवं पूर्व मन्त्री महालक्ष्मी डिना उपाध्याय, केन्द्रिय सदस्य प्रभावशाली युवा नेता प्रदिप पौडेलले संकटको यो घडिमा विश्वभर रहेका कांग्रेस निकटहरुलाई नेपाली जनताको भरोसाको पार्टी कांग्रेस भएको भन्दै, अभिभावकिय भूमिका निर्वाह गर्न आग्रह गरेका हुन् ।
बैठकमा बोल्दै केन्द्रिय सदस्य सुन्द्र पाण्डेले नेपाल सरकार महामारीलाई रोक्न र महामारी पछिको अवस्थालाई मुल्याङकन मुलुकलाई निकास दिन काम गर्नुको सट्टा पार्टी फुटाउने खेलमा लागेको आरोप लगाउँदै कांग्रेसले देशको निकासमा लागि सक्रियता देखाउनुपर्ने बताए ।
कांग्रेसका केन्द्रिय सदस्य एवं पूर्व मन्त्री डिना उपाध्यायले कोरोना महामारीमा सरकार स्वयम सत्ताको खेलमा लागेको बताउँदै कम्यूनिष्टहरुले संकटको घडिमा समेत असली चरित्र देखाएको भन्दै कटाक्ष गरेकी छन् । यसैगरी प्रभावशाली युवा प्रदिप नेता पौडेलले रोगी प्रधानमन्त्रीले अब मुलुक धान्न नसक्ने भन्दै तत्काल राजिनामा दिन आग्रह गरेका छन् । उनले भने, नेपाली जनताले सत्ता पाँच बर्षका लागि नेकपालाई दिएका छन्, यसर्थ नेकपा भित्रका अन्य नेताले त्यसका लागि सक्रियता देखाउनुपर्ने बताए ।
पौडेलले प्रधामन्त्रीप्रति लक्षित गर्दै भने, प्रधानमन्त्री भनेको मुलुकको संबिधानको रक्षक हो तर प्रम स्वय संबिधानको मर्म भन्दा र भावना बाहिर गईसकेकाले तत्काल राजिनामा दिएर मुलुकको निकासका लागि बाटो खोलीदिनुपर्ने धारणा राखे । मंगलबारको बैठकमा अमेरिका लगायत विश्वभर रहेका जनसम्पर्क समिति तथा एनआरएनमा रहेका कांग्रेस सर्मथित नेताहरुले कोरोना भाइरसले पारेको प्रभावमा कांग्रेसको भूमिका, सहयोगका लागि जारी राखिएका प्रयासहरु, विश्वभरबाट नेपाल फर्किन चाहना भएका नेपालीहरुलाई प्रकृया पुराएर नेपाल फर्काउन पहल थाल्नुपर्ने लगायतका बिषयमा बोलेका थिए ।सहभागि नेताहरुले बैठकमा उठेका प्रश्नहरुका बारेमा बुधवार बस्ने पार्टी केन्द्रिय समितिको बैठकमा यस बारेमा कुरा राख्ने बताएका छन् । प्रभावशाली युवा नेता पौडेलले नेपालीहरुलाई नेपाल फर्काउनका लागि सकारलाई झक्झाउनका लागि पार्टीले निर्णय लिने जानकारी दिएका छन् ।
बैठकमा एनआरएनका अध्यक्षका प्रत्यासी कुल आचार्य, एनआरएन केन्द्रिय सचिव गौरी जोशी, कोषाध्यक्ष महेश श्रेष्ठ, युरोप क्षेत्रिय संयोजक नारायण आचार्य, युरोप क्षेत्रिय सहसंयोजक शुक्रराज न्यौपाने, अमेरिकाज क्षेत्रिय संयोजक राजन त्रिपाठी, जनसम्पर्क समिति बेल्जियम सभापति सिता सापकोटा, स्पेन सभापति इन्द्रप्रसाद शर्मा, फ्रान्स सभापति सुधिर राना, इजराज सभापति खगेश्वर अधिकारी, राजेन्द्र बिराही, जितेन्द्र शाही, महासमिति सदस्य विश्व आर्दश पण्डित, बिष्णु सुवेदी, चिन्तामणी सापकोटा, हरिबोल भण्डारी, नवराज सिवाकोटी, कुलप्रसाद गुरुड, सुवास जोशी, डिपी कँडेल, राजेन्द्र जमरकटेल, राजु सहिद, रोशन केसी, बिजय मोक्तान, प्रमोद सिटौला, कन्चन पोखरेल, शालिक चापागाईले बोलेका थिए ।
यस्तै एनआरएनए अमेरिकाका पूर्व अध्यक्ष डाक्टर केशव पौडेल, नेविसंघ पूर्व महामन्त्री डा.यादव पण्डित, पुष्प थापा, बिनोद थापा, एनआरएनए अमेरिका उपाध्यक्ष बुद्धि सुवेदी, कृष्ण जिवि पन्त, कांग्रेस नेताहरु देवेन सुवेदी, सुर्वण लामा, सोमनाथ घिमिरे, भुपिगोविन्द श्रेष्ठ, बिनोद भट्ट, जनसम्पर्क समिति अमेरिका संस्थापक महाचिव कृष्ण लामिछाने, नेविसंघ अमेरिका सभापति प्रभात सापकोटा, तरुण दल अमेरिका उपसभापति अनन्त सुवेदी, एनआरएन अष्ट्रियाका जिवन कुँवर, पोल्याण्ड सभापति एलएनी सुवेदी पोखरेल, मुक्ति पन्त, सिजन दाहाल, विश्वराज बास्तोला, होम लम्साल, बिष्णुहरि घिमिरे एसमिन बेगम सहिद, विश्व बराल, जनसम्पर्क समितिका सल्लाहकार श्यामकाजी गुरुङ, डा.बोध सुवेदी, बिनोद सुवेदी, रामकृष्ण पुडासैनी लगायतले बोलेका थिए ।
पछिल्लो दुई सातादेखी कोरोना संक्रमण र नेपाली कांग्रेसको भूमिका बिषयमा नेपाली कांग्रेसका केन्द्रिय पदाधिकारी तथा केन्द्रिय सदस्यहरुको सहभागितामा हरेक दिन यस प्रकारको छलफल हुने गरेको पूर्व संयोजक सुवेदीले जानकारी दिए ।