अमेरिकाबाट तत्कालै नेपाल फर्किन चाहनेहरुको संख्या २२२ , बतासले बिवरण संकलन गर्दै
प्रकाशित मिति : बैशाख ९, २०७७ मंगलबार
कोरोना भाइरसको महामारीका कारण अमेरिकामा रोकिएका नेपालीहरुको संख्या २२२ पुगेको छ । बिभिन्न भिषामा अमेरिका आई यहीँ रोकिएकाहरुको अहिले पोखरामा प्रधान कार्यलय रहेको बतास अर्गनाइजेशनले बिवरण संकलन गरिरहेको छ ।
बतासका अनुसार हाल सम्म २ सय २२ जनाले तत्कालै नेपाल फर्किनुपर्ने बाध्यता रहेको भन्दै फर्म भरेका छन् । यस्तै अर्गनाइजेशनले अमेरिका लगायत विश्वभरबाट नेपाल फर्किन पाउँ भन्नेहरुको समेत बिवरण संकलन थालेको छ । अर्गनाइजेशनका निर्देशक बतासका अनुसार अमेरिकी सरकारले नेपालमा रहेका ग्रिन कार्ड होल्डरहरुलाई बिमान चार्टर गरेर अमेरिका ल्याउने प्रयास भईरहेको छ, यदी नेपाल ससकारले संयोजन गर्न सकेमा त्यही बिमानमा नेपालीहरु अमेरिकाबाट नेपाल फर्किन सक्छन् । त्यसका लागि उनले अमेरिकास्थित नेपाली राजदूतावास र अमेरिकास्थित अमेरिकी दूतावासमा ईमेल समेत लेखेको जानकारी दिएका छन् ।
अमेरिकामा रोकिएकाहरुले आफुहरु तत्कालै नेपाल फर्किनुपर्ने अवस्था रहेको जनाउँदै नेपाल सरकारसंग गुहार मागिरहेका छन् । उनिहरुले आफुहरुको खर्च सकिन थालेको र नेपालमा परिवारको रेखदेख गर्नुपर्ने अवस्था रहेको समेत जनाएका छन् । यसरी नेपाल फर्किन पाउँ भन्नेहरुले नेपाल सरकारले निर्देशन गरेका सबै प्रकृया पूर्णत पालना गर्ने प्रतिवद्धता जनाएका छन् । अन्तर्राष्ट्रिय बिमान कम्पनीहरुले आफ्नो देश फर्किन चाहनेहरुका लागि रगत परिक्षण गरेर उडान भर्न सक्ने उल्लेख गरिसकेको छ । भने केही देशहरुमा इमिरेट्स लगायतका बिमान कम्पनीहरुले उडान समेत भरिसकेका छन् ।
अमेरिकामा रहेका नेपाली नागरिकले भर्नुपर्ने फर्म
अमेरिका बाहेक अन्य देशमा रहेका नेपाली नागरिकहरुले भर्नुपर्ने फर्म