न्युयोर्कमा पवन मल्लको निधनपछि दुईछोरीको पढाईमा सहयोगका लागि अपिल

खसोखास अमेरिका ब्यूरो

---

प्रकाशित मिति : बैशाख ४, २०७७ बिहीबार

न्युयोर्कमा कोरोना संक्रमणबाट ज्यान गुमाएका नेपाली पवन मल्लका नेपालमा रहेका दुई छोरीहरुलाई सहयोगका लागि आर्थिक संकलन अभियान सुरु गरिएको छ । झण्डै तीनसातादेखि बिरामी मल्लको हिजो विहान बस्दै आएको अपार्टमेन्टमा नै निधन भएको थियो ।

यदि तपाई पनि सहयोग गर्न चाहनुहुन्छ भने यहाँ क्लिक गर्नुहोला ।

नेपालमा रहेका दुई छोरीहरु आर्थिक रुपमा मल्लप्रति नै आश्रित रहेका छन् । मल्लको अल्पायुमै भएको निधनले उनका छोरीहरुको पढाईमा सहयोग गर्ने व्यक्ति नभएकाले सहयोगका लागि अपिल गरिएको हो । ती छोरीहरुलाई अहिले हजुरबुबा र हजुरआमाले पालिरहेका छन् ।

न्युयोर्कको उडसाइमा बस्दै आएका बस्दै आएका ४४ बर्षिय मल्ल सन् २०१२ मा अमेरिका आएका थिए । मल्लले केही समय पहिले न्युयोर्कमा समेत ग्रिन क्याब नामक ट्याक्सी चलाउँथे । उनी नेपाल प्रहरीको असई समेत थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

न्युयोर्कमा एकमहिनाको अवधिमा ८ जना नेपालीको कोरोना भाइरस संक्रमणका कारण मृत्यु भईसकेको छ । मृतकमध्ये चार जनाको मृत्यु कोरोना भाइरसबाट भएको पुष्टि गरिएको छ भने अन्य ३ जनाको मृत्युको कारण खुलाइएको छैन ।