KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas

१० डलर तिरेर यसरी डिभी जस्तै अमेरिकी कामदार भिसाको आवेदन, आज औपचारिक सुचना

अमेरिकाको कामदार भिसा एच वान बीका लागि आगामी वर्षदेखि डिभी लोटरी जस्तै अनलाइनबाट आवेदन दर्ता गराउनुपर्ने भएको छ भने त्यसका लागि १० डलर शुल्क लाग्नेछ । युएससीआईएसले शुल्कबारे आज अन्तिम सुचना जारी गर्दै कामदार भिसा एचवानबीका लागि आवेदन दिन चाहने रोजगारदाताले सुरुमै अनलाइनमार्फत दर्ता गराउँदा १० डलर शुल्क तिर्नुपर्ने जनाएको छ । उक्त शुल्क बैंक एकाउण्ट, क्रेडिट वा डेविट कार्डमार्फत तिर्न सकिनेछ ।

यसबारे आज फेडरल रजिस्टरमा औपचारिक रुपमा सुचना प्रकाशित गरिएको छ । यो नयाँ नियम भने डिसेम्बर ९ देखि लागु हुने युएससीआईएसले जनाएको छ । अन्तिम सुचना प्रकाशित गर्नु अगाडि युएससीआईएसले गत सेप्टेम्बर ४ मा सार्वजनिक कमेन्टको आव्हान गर्दै ३० दिने सुचना जारी गरेको थियो । त्यसमा जम्मा २२ वटा कमेन्टहरुमात्र प्राप्त भएका थिए ।

 

बार्षिक ६५ हजारको कोटा रहने उक्त कामदार भिसाका लागि अबदेखि रोजगारदाताले प्रारम्भिक आवेदनको साटो १० डलर शुल्क तिरेर विद्युतीय रुपमा दर्ता गराउनुपर्नेछ ।

दर्ताको मिति सुरु हुनुभन्दा कम्तीमा ३० दिन अगाडि यसबारे सुचित गरिने युएससीआईएसले जनाएको छ । विद्युतीय प्रणालीबाट गरिएका दर्तालाई युएससीआईएसले चिठ्ठाको माध्यमबाट छनौट गरेपछि हरेक आवेदनबारे प्रकृया अगाडि बढाउन सकिनेछ ।

Loading...

 

प्राप्त आवेदनहरुबाट छनौट गर्नका लागि युएससीआईएसको साधनश्रोत र जनशक्ति खर्च हुने तथा युएससीआईएस आवेदकबाट प्राप्त शुल्कबाटै चल्ने भएकाले अनलाइन दर्ताको समेत शुल्क प्रस्ताव गरिएको हो । छनौट भएका आवेदनहरुको थप प्रकृयाका लागि भने अतिरिक्त शुल्क तिर्नुपर्नेछ ।

गत जनवरी ३१ मा युएससीआईएसले अन्तिम नियम प्रकाशित गर्दै एचवान बी भिसाका प्रकृया र नियममा परिवर्तन गरेको थियो । विद्युतीय रुपमा अनलाइनमार्फत कामदार भिसाका लागि आवेदन दिने मिति युएससीआईएसले घोषणा गर्नेछ ।

 

 

अमेरिकी सरकारले यसैबर्षदेखि कामदारभिसा एचवानबीमा ब्यापक परिवर्तन गरेको छ । जस अनुशार अमेरिकी डिग्री होल्डरलाई अमेरिकी डिग्री होल्डरबाहेकको कोटामा पनि समावेश हुने अवशर दिइएको छ ।

पहिलेको नियम अनुशार ६५ हजार कामदारको कोटामा अमेरिकन डिग्री नभएकाहरुमात्र सहभागी हुन पाउथें । अमेरिकन डिग्री होल्डरहरु त्यसमा मिसिन पाउँदैनथे । तर यो बर्षदेखि त्यो कोटामा पनि अमेरिकन डिग्री होल्डरहरु सहभागी हुन पाएका छन् । यसो हुँदा ६५ हजारको कोटामा पनि अमेरिकन डिग्री होल्डरहरु छानिन्छन् । त्यहाँ नछानिएका अमेरिकन डिग्री होल्डरहरुहरुले थप २० हजारको कोटामा पनि सहभागी हुन पाउछन् ।


भिडियो हेर्नुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com