Follow @khasokhasmag

न्युयोर्कको लङ आइल्याण्डमा आइसको अपरेशन, २३ जना कागजपत्रविहिन नियन्त्रणमा


प्रकाशित मिति : कार्तिक २१, २०७६ बिहीबार

न्युयोर्कको लङ आइल्याण्डमा इमिग्रेशन एण्ड कस्टम इन्फोर्समेन्ट आइसको अपरेशनमा २३ जना कागजपत्रविहिन पक्राउ परेका छन् । ६ दिन लामो अपरेशनका क्रममा उनीहरु पक्राउ परेको आइसले जनाएको छ ।

सेक्स अफेण्डर एलियन रिमुभल सोअर अपरेशन अन्तरगत उनीहरु पक्राउ परेका हुन् । पक्राउ परेकाहरु विगतमा यौन दुब्र्यबहारदेखि बलात्कारसम्मको अभियोग प्रमाणित भएकाहरु रहेको आइसले जनाएको छ ।

पक्राउ पर्नेहरु होण्डुरस, ग्वाटेमाला, जमैका , एल साल्भाडोर, इजिप्ट, पोर्चुगल, पाकिस्तान, फिलिपिन्स र क्यानडाका नागरिकहरु रहेका छन् । हिक्सभिलमा पक्राउ परेका ४६ बर्षीय पाकिस्तानी विगतमा १७ बर्षभन्दा कम उमेरकोलाई यौन दुब्र्यबहार गरेको अभियोग प्रमाणित भएका व्यक्ति हुन् ।

पक्राउ परेका अन्यमा विना लाइसेन्स गाडी चलाउनेहरु, मादक पदार्थ सेवन गरेर गाडी चलाउनेहरु, यौन दुब्र्यबहारदेखि चोरी गरेकाहरुसम्म रहेका छन् । पक्राउ परेकाहरुमध्ये ५ जना अमेरिकामा गैरकानुनी रुपमा प्रवेश गरेकाहरु छन् ।

अमेरिकामा दोश्रोपटक गैरकानुनी रुपमा प्रवेश गरेको व्यक्तिलाई २० बर्षसम्म कैद सजाय हुने कानुनी व्यवस्था रहेको छ । अमेरिकाबाट देशनिकालाको आदेश पाइसकेको व्यक्ति पक्राउ परेमा तुरुन्तै देशनिकाला गरिन्छ भने आदेश नपाइसकेको कागजत्रपत्रविहिन पक्राउ परेमा देशनिकालाको प्रकृयामा राखिन्छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com