धादिङ नेपाली समाज अमेरिको साधारण सभा सम्पन्न
प्रकाशित मिति : आश्विन १४, २०७६ मंगलबार
धादिङ नेपाली समाज अमेरिका दोश्रो साधारण सभा सम्पन्न भएको छ । साधारण सभाका अवसरमा धादिङ जिल्ला घर भई हाल अमेरिका रहेका बिभिन्न व्यक्तित्वहरुलाई सम्मान गरिएको छ ।
सम्मानित हुनेहरुमा एनआरएनए अमेरिका न्यूयोर्क च्याप्टरका अध्यक्ष रामहरी अधिकारी, एनआरएनए अमेरिका युवा संयोजक बिनोद रुवाली र न्यूयोर्क च्याप्टरका बोर्ड सदस्य अनुजजंग थापामगर छन् । उनिहरुलाई धादिङबाट एनआरएनएमा प्रतिनिधित्व गर्दै, निर्वाचित भएकाले सम्मान गरिएको हो ।
समाजका अध्यक्ष दिवाकर पाण्डेको अध्यक्षतामा भएको कार्यक्रममा मेरिल्याण्ड डिसी निवासी पर्यटन व्यवसायी पूर्व जिविस उपभापति ज्ञानप्रसाद रिमाल, न्यूयोर्क च्याप्टर अध्यक्ष रामहरी अधिकारी, जनसम्पर्क समितिका अमेरिकाका नेता टकबहादुर रुवाली, समाज पूर्व संयोजक राजन गौली लगायतले बोलेका थिए ।
साधारण सभाले समाजको बिधान तथा आर्थिक प्रतिवेदन सहित आगामी कार्य योजना अनुमोदन गरेको छ । साधारण सभामा संस्थाका कोषाध्यक्ष रमा खतिवडाले आर्थिक प्रतिवेदन पेश गरेकी थिइन् । भने बिधान संस्थाका महासचिव बिकास कंडेलले पेश गरेका थिए । धादिङ समाज स्थापना भएको छोटो समयमै बिभिन्न सामाजिक कार्यमा सक्रिय रहँदै आएको छ ।
