आइतबार बेलुकासम्म युएससीआईएसको अनलाइन सेवामा समस्या, केसको स्टाटस चेक गर्न नसकिने - KHASOKHAS

आइतबार बेलुकासम्म युएससीआईएसको अनलाइन सेवामा समस्या, केसको स्टाटस चेक गर्न नसकिने

शुक्रबार बेलुका ९ बजेदेखि शनिबार विहान २ बजेसम्म युएससीआईएसले दिने ९ वटा अनलाइन सेवाहरु प्रभावित हुने भएको छ । त्यस्तै आइतबार विहान ५ बजेदेखि बेलुका ६ बजेसम्म पनि युएससीआईएसका अनलाइन सेवाहरु प्रभावित हुने भएका छन् ।

यो अवधिमा अनलाइनमा आफ्नो केसको स्टाटस चेक गर्न, इ रिक्वेष्ट गर्न, अनलाइनमार्फत ठेगाना परिवर्तन गर्न, आफ्नो आवेदनमा लाग्ने समय चेक गर्न, अनलाइनमार्फत फाइल गर्न र युएससीआईएसको अनलाइन एकाउन्टमा जानमा प्राविधिक कठिनायी हुनसक्ने युएससीआईएसले जनाएको छ । प्रणालीमा ब्यापक मर्मत गर्नुपर्ने भएकाले अनलाइन सेवा प्रभावित हुने भएको युएससीआईएसको भनाई छ ।

प्राय सप्ताहन्तको बेलामा युएससीआईएसले अनलाइन प्रणालीमा मर्मत गर्दै आएको छ । यो अवधिमा सेवाग्राहीहरुले अनलाइनमार्फत लिने कैयन सुविधा प्रभावित हुने भएको छ । सोमबारदेखि भने साविक रुपमा नै सबै अनलाइन सेवाहरु संचालनमा आउनेछन् ।

शुक्रबार, असार १३, २०७६ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com