विदेशी विद्यार्थीले ग्रिनकार्ड पाउने संरचना बनाउने विधयेकबारे

प्रकाशित मिति : माघ २५, २०७३ मंगलबार

-केशव राज सेडाई

सदनमा कँग्रेसम्यान जो लोफ्ग्रेनले एच वान बी कामदारको तलब १ लाख ३० हजार बनाउने नयाँ विधयेक अतिदक्षको सम्मान र स्वच्छतासम्बन्धी ऐन २०१७ पेश गरेका छन् । जसमा केही महत्वपूर्ण अवस्थाहरु रहेका छन् ।

अमेरिकी संसदको हाउस अफ रिप्रिजेन्टेटिभमा एचवान बी भिसा बाहकको तलब १ लाख ३० हजार डलर बनाउने प्रस्ताव सहितको विधयेक पेश गरिएको छ जसले अब रोजगारदातालाई विदशी कामदारसँगै अमेरिकी कामदारलाई पदस्थापन गर्नेगरी यो कार्यक्रम प्रयोग गर्न अप्ठ्यारो अवस्था सृजना गर्नेछ ।

यो विधयेक पारित भएमा स्वतन्त्र रोजगारदाताहरुले उनीहरुका एचवान बी कामदारलाई १ लाख ३० हजार डलर तलब दिनुपर्नेछ जुन भविश्यमा एड्जस्ट गरिनेछ । त्यस्तै मास्टर डिग्रीको अपवादपनि हटाइनेछ । नयाँ विधयेक अनुशार ५० भन्दा कम कामदारहरु हुने साना रोजगारदाताहरुले बार्षिक ६० हजार डलर जतिकै तलबमा कामदारलाई काम लगाउन पाउने छन् । तर यो विधयेक कानुन बनेपछि भने कामदारको तलब बढाउनुपर्नेछ ।

यो विधयेकले विद्यार्थीहरु र अरु अस्थायी प्रकारका भिसा बाहकहरुका लागि विद्यार्थी भिसाको स्टेटसबाट अमेरिकाको ग्रिनकार्ड पाउनेगरी संरचनाको विकाश गरेर भिसाका बाधाहरु हटाउनेछ । त्यस्तै एचवान बी फाइलको प्रावधानमा सुधार र प्रशासनिक खर्चमा कटौती गरेर अनावश्यक कागजातको भारलाई पनि कम गर्नेछ । नयाँ बिधयेकमा रोजगारदाताले कामदारको तलब घटाउन नपाउनेगरी सुरक्षा प्रदान गर्ने प्रावधान रहेको छ ।

सिनेटर शेरोड ब्राउनले एचवान बी र एल वान भिसा सुधार ऐन पनि सदनमा पेश गर्ने घोषणा गरेका छ जसले एचवान बी र एलवान भिसा कार्यक्रममा रहेका लुपहोलहरु हटाउने र अमेरिकी कामदार एवं भिसा वाहकको सुरक्षा बढाउने जनाइएको छ । यो कार्यक्रममा एचवान बी र एल वान भिसा वाहकलाई काममा लगाउनका लागि खोजी गर्नु अगाडि योग्य अमेरिकन कामदारलाई खाली पदमा काममा लगाउन रोजगार दाताले प्राथमिकता दिनुपर्ने विषय छ ।

एचवान बी र एल वान भिसा सुधार अन्तरगत डिपार्टमेन्ट अफ लेबर र डिपार्टमेन्ट अफ होमल्याण्ड सेक्युरिटीसँग जालसाजीको अनुसन्धानका लागि अतिरिक्त निरिक्षणको अवस्था सृजना गर्नेछ भने ऐनको उल्लंघन गर्नेलाई जरिवाना बढाउनेछ । ऐनले रोजगारमा आधारित आप्रवासी भिसाका लागि हरेक देशमा लगाइएको सिमाबन्दी हटाउनेछ । जसबाट रोजदारदाताले कुनै पनि देशको आधारमा नभई योग्यताको आधारमा कामदारहरुको छनौट गर्न सक्नेछन् । ग्रासले र डर्बानको बिल अतिरिक्त प्रकृयाका लागि सदनमा अल्झिरहेको छ ।

ग्रासले र डर्बानको एचवान बी र एल वान सुधार ऐनमा एचवान बी भिसाको संख्या घटाउनसक्ने केही तत्वहरु छन् । एचवानबी भिसाका स्पोन्सरहरुबारे थप अनुसन्धानका लागि डिपार्टमेन्ट अफ लेवरलाई अतिरिक्त अधिकार दिनाले भिसाको संख्या घटाउन सक्छ । त्यस्तै एच वान बी भिसाले अमेरिकामा अध्ययन गरिरहेका र अमेरिकी अर्थतन्त्रमा फाइदा पुराउने सम्भावना रहेका विदेशी विद्यार्थीहरुलाई प्राथमिकता दिने भएकाले विदेशबाट विदेशमा अध्ययन गरेका कामदार ल्याउने क्रममा कमी हुनसक्छ । त्यस्तै ५० भन्दा कम कामदार रहेका र पचास प्रतिशत भन्दा धेरै एच वान बी कामदार रहेका कम्पनीहरुले विदेशबाट कामदार ल्याउनमा यो कार्यक्रमले रोक लगाउनेछ ।

दुबै सदनबाट बिल पारित भइसकेपछि यसमा राष्ट्रपतिले हस्ताक्षर गर्नेछन् । अनिमात्र बिल कार्यान्वयनमा आउनेछ ।

(यो पाठकको सामान्य जानकारीका लागि मात्र हो, कानुनी सल्लाहका लागि सेडाईको ल फर्मममा सम्पर्क गर्नुपर्नेछ । )

खसोखासमा अमेरिकाब्यूरोबाट प्रकाशित सामाग्री अन्य संचारमाध्यममा हुबहु साभार गर्नु अगाडि अनुमति लिनु अनिवार्य छ । अनुमतिका लागि [email protected] मा सम्पर्क गर्नुहोला । रिपोर्टका अंशहरु साभार गर्दा श्रोत खुलाउनु अनिवार्य छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com