अमेरिकामा अध्ययनका लागि आउनेहरुका लागि अमेरिकी सरकारले बढायो शुल्क

अमेरिकी सरकारले अमेरिकामा अध्ययनका लागि आउने अन्तर्राष्ट्रिय विद्यार्थीहरुका लागि शुल्कबृद्धि गरेको छ । अमेरिकी सरकारको डिपार्टमेन्ट अफ होमल्याण्ड सेक्युरिटीले बृद्धि गरेको नयाँ शुल्क जुन २४ बाट लागु हुने भएको छ ।

खासगरी अन्तर्राष्ट्रिय विद्यार्थी वा एक्सचेन्ज भिजिटर अर्थात् एफ र एम भिसामा अमेरिका आउन चाहनेहरुले अब आई ९०१ सेभिज शुल्क ३५० डलर तिर्नुपर्नेछ । हालसम्म यो शुल्क जम्मा २ सय डलर रहेकोमा जुन २४ देखि एकसय पचास डलर बढाउन लागिएको हो ।

डिपार्टमेन्ट अफ होमल्याण्ड सेक्युरिटीले घर गृहस्थीको काम, शिविर परामर्शदाता, समरको कार्य यात्रा कार्यक्रममा जे भिसामा आउनेहरुको शुल्क ३५ डलर नै कायम गरेको छ तर अन्य प्रकारको कामका लागि जे भिसामा आउनेहरुका लागि आई ९०१ सेभिज शुल्क १८० डलरबाट बढाएर २२० डलर बनाइएको छ ।

स्टुडेण्ट एण्ड एक्सचेन्ज भिजिटर प्रोग्रामका लागि विद्यालयको प्रमाणिकरणको प्रारम्भिक प्रमाणपत्रका लागि लाग्ने शुल्क पनि १७ सय डलरबाट बढाएर ३ हजार डलर बनाइएको छ । स्टुडेण्ट एण्ड एक्सचेन्ज भिजिटर प्रोग्रामका लागि विद्यालयको पुन प्रमाणिकरणका लागि भने १२५० डलर लाग्नेछ ।

अमेरिकामा विद्यार्थी भिसामा आउन चाहने सबैले भिसा जारी हुनुभन्दा अगाडि नै ३५० डलर आई ९०१ सेभिज शुल्क तिर्नुपर्नेछ । जुन २४ भन्दा अगाडि नै शुल्क तिरेका र भिसा कुरेर बसेकाहरुले भने नयाँ शुल्कमा बढेको रकम तिर्नु नपर्ने जनाइएको छ ।

एक्सचेन्ज भिजिटर र विद्यार्थी भिसामा आउन चाहनेहरुले यो वेवसाइटको प्रयोग गरेर शुल्क तिर्न सक्नेछन् ।

स्टुडेण्ट एण्ड एक्सचेन्ज भिजिटर प्रोग्राम अन्तरगत अमेरिकामा झण्डै १० लाख विद्यार्थीहरु र उनीहरुका डिपेन्डेन्टको सुपरिवेक्षण गरिदै आएको छ ।

नयाँ नियमको पूर्ण पाठ पढ्न यहाँ क्लिक गर्नुहोला ।

 

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
Contributing Editor : Bhupendra Thapa
© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com