एक्स्ट्रा अडिर्नरी ग्रिनकार्ड फाइल गर्न कुर्ने मिति जुलाईमा पनि भएन टसमस
प्रकाशित मिति : जेष्ठ ३०, २०७६ बिहीबार
एक्स्ट्रा अर्डिनरी ग्रिनकार्ड अर्थात् रोजगारमा आधारित पहिलो श्रेणीको ग्रिनकार्ड फाइल गर्नका लागि कुर्ने अवधि जुलाई महिनामा पनि जस्ताको तस्तै रहेको छ । आई १४० आवेदन स्वीकृत भएर ग्रिनकार्ड फाइल गर्नका लागि कुर्ने मितिमा जुलाईमा कुनै परिवर्तन गरिएको छ ।
जुन महिनामा १ सेप्टेम्बर २०१८ भन्दा अगाडि प्राथमिकता मिति भएकाहरुलेमात्र ग्रिनकार्ड आवेदन फाइल गर्न सक्ने भएकोमा जुलाईमा पनि १ सेप्टेम्बर २०१८ नै कायम गरिएको छ । त्यस्तै सन् २०१८ को अप्रिल २२ भन्दा अगाडि प्राथमिकता मिति भएकाहरुलेमात्र जुन महिनामा ग्रिनकार्डबारे निर्णय प्राप्त गर्ने यसअगाडिको भिसा बुलेटिनमा उल्लेख रहेकोमा जुलाईको भिसा बुलेटिनमा समेत सोही मिति नै कायम गरिएको छ ।
नेपालीहरुका लागि दोश्रोदेखि पाँचौंसम्मका रोजगारमा आधारित श्रेणीहरुमा भने भिसा करेन्ट रहेको छ । यसैबीच अमेरिकी विदेशमन्त्रालयले निकालेको भिसा बुलेटिनमा उल्लेखित फाइनल एक्सन मितिलाई नै युएससीआईएसले आई १४० आवेदन स्वीकृत भएकाहरुले आवेदन दिन पाउने मितिका रुपमा स्वीकार गरेको छ । जस अनुशार सन् २०१८ को अप्रिल २२ भन्दा अगाडि प्राथमिकता मिति भएकाहरुलेमात्र जुलाईमा ग्रिनकार्डका लागि आवेदन दिन सक्नेछन् ।
यसैबीच अमेरिकी सरकारले आई १४० आवेदनका साथमा ग्रिनकार्ड आवेदन दिन नपाइने नयाँ नियम ल्याउने तयारी नै गरेको छ । अहिले भिसा करेन्ट नभएकाले आई १४० का साथमा आई ४८५ आवेदन दिन नपाइने भएतापनि नयाँ नियम लागु भएमा भिसा करेन्ट भएको अवस्थामा समेत दुबै आवेदन एकसाथ दिन पाइने छैन ।
रोजगारमा आधारित पहिलो श्रेणीमा आई १४० आवेदन स्वीकृत भएर ग्रिनकार्ड फाइल गर्नका लागि मिति कुरेर बसेका नेपालीहरुको संख्या उल्लेख्य रहेको छ । रोजगारमा आधारित पहिलो श्रेणीको ग्रिनकार्डका लागि भिसा करेन्ट नहुँदा अहिले भिजिटर भिसामा अमेरिका आएकाहरुले यो अमेरिकाबाटै यो श्रेणीको ग्रिनकार्ड प्राप्त गर्न प्राय असम्भवप्राय भएको छ । उनीहरुले या त अमेरिकामा भिसा परिवर्तन गरेरमात्र एक्स्ट्रा अर्डिनरी ग्रिनकार्डका लागि आवेदन दिनसक्छन् या त आवेदन दिएपछि स्वेदश फर्केर पुन कन्सुलर प्रकृयामार्फत अमेरिका आउन सक्छन् ।