अमेरिकी सरकारले थप्यो कामदार भिसाका आई १२९ आवेदन अस्वीकार गर्ने २ कारण
प्रकाशित मिति : जेष्ठ २२, २०७६ बुधबार
अमेरिकी सरकारले कामदार भिसा एच, एल लगायत ओ, पी, क्वु, आर लगायतका भिसाका लागि आवश्यक फर्म आई १२९ अस्वीकार गर्ने कारणहरु बढाएको छ । अगस्त ५ देखि लागु हुने गरी युएससीआईएसले आवेदक वा सेवाग्राहीको नाम र प्राथमिक अमेरिकी कार्यालयको ठेगाना नभएका आवेदनहरु अस्वीकार गर्ने भएको छ ।
युएससीआईएसले हस्ताक्षर नभएका, उपयुक्त शुल्क नभएका, मान्यताप्राप्त नगरेका तेश्रो पार्टीले आवेदकका तर्फबाट हस्ताक्षर गरेका लगायतका आवेदनहरु अस्वीकार गर्दै आएका छन् । छुटेका सुचनाहरुका कारण युएससीआईएसले अस्वीकृत गरेका फर्महरु सामान्यतया पुन भरेर वा सच्याएर पठाउन सकिने युएससीआईएसले जनाएको छ ।
तर संख्यात्मक सिमितता लगायका कारणले परिमार्जन गरेर पठाइएका आवेदनहरु खारेज वा अस्वीकृत समेत हुने गरेका छन् । त्यसैले सुरुमा नै सबै विवरणहरु ठीक तरिकाले उल्लेख गरेर पठाउन युएससीआईएसले सचेत गराएको छ ।
