एयरलाइन्सले बोक्न थाले सबै यात्रु, स्थीति पहिलेकै जस्तो, ट्रम्प आक्रोशित

प्रकाशित मिति : माघ २२, २०७३ शनिबार

अमेरिकी राष्ट्रपति डोनाल्ड ट्रम्पको एउटा कार्यकारी आदेश कार्यान्वयनमा शियाटलका एकजना संघीय न्यायाधिसले रोक लगाएपछि एयरलाइन्सहरुले प्रतिबन्ध लगाइएका भनिएका सातवटा देशहरुसहित सबैदेशका यात्रुहरु बोक्न थालेका छन् । मुस्लिम बाहुल्य रहेका सातवटा देशका व्यक्तिलाई अमेरिकामा भिसा प्रतिबन्ध लगाउने र शरणार्थी कार्यक्रम रद्द गर्ने ट्रम्पको कार्यकारी आदेशपछि एयरलाइन्सहरुलाई प्रतिबन्धित देशका यात्रुहरु नबोक्न भनिएको थियो ।

युरोप र मध्यपूर्वबाट अमेरिका उड्ने विमानहरुले पुन प्रतिबन्ध लगाइएका भनिएका सातदेशसहित यात्रुहरु बोक्न थालेको जनाएका छन् । ट्रम्पको कार्यकारी आदेशमा संघीय न्यायाधिसले रोक लगाएपछि अब अमेरिकी भिसा भएका दशौं हजार यात्रुहरुलाई एयरलाइन्सहरुले कार्यकारी आदेश अगाडिकै अवस्थामा जस्तो विमानमा चढ्न अनुमति दिने भएका छन् ।

ट्रम्पको कार्यकारी आदेशपछि एयरलाइन्सहरुलाई अध्यागमन कानुनको कार्यान्वयनका क्रममा अग्रमोर्चामा राखिएको थियो । यदि एयरलाइन्सले अमेरिका प्रवेशमा अनुमति नभएका यात्रुहरुलाई बोकेमा ४ हजार अमेरिकी डलर भन्दा धेरै जरिवाना हुने प्रावधान रहेको छ ।

लुफथान्सा एयरलाइन्सले प्रतिबन्ध लगाइएका सातवटा देशहरुसहित उपयुक्त यात्रा कागजात भएका सबै देशका यात्रुलाई विमानमा चढाउन सुरु गरिएको जानकारी दिएको छ । परिवर्तन हुनसक्ने नयाँ नियमका लागि आफूहरु अमेरिकी अधिकारीहरुसँग सम्पर्कमा रहेको एयरलाइन्सले जनाएको छ । कतार एयरलाइन्सले पनि अमेरिकाको भिसा र ग्रिनकार्ड भएका सबैलाई विमानामा चढाउन सुरु गरिएको जनाएको छ । एयर फ्रान्स र ब्रिटिस एयरवेजले पनि प्रतिबन्ध लगाएका देशहरुबाट समेत आफूहरुले यात्रुहरु स्वीकार्न सुरु गरेको जनाएका छन् ।

ह्वाइट हाउसका प्रवक्ता सिन स्पाइसले कार्यकारी आदेशमा रोक लगाउने न्यायाधिसको आदेशबिरुद्ध डिपार्टमेन्ट अफ जस्टिसले आपतकालिन पुनरावेदन गर्ने बताएका छन् । शनिवार विहानै डोनाल्ड ट्रम्पले एक ट्वीट गर्दै भनेका छन् – ‘कथित न्यायाधिसको धारणाले हाम्रो देशबाट आधारभूतरुपमै कानुन कार्यान्वयनमा अवरोध उत्पन्न भएको छ । जुन हास्यास्पद रहेको छ । जुन छिट्टै उल्टाइनेछ ।’

त्यसपछिका दुईवटा ट्वीटमध्ये एउटामा ट्रम्पले न्युयोर्क टाइम्सलाई गाली गरेका छन् भने अर्कोमा मेक अमेरिका ग्रेट अगेन लेखेका छन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com