विदेशी विद्यार्थीलाई ग्रिनकार्डको बाटो खोल्ने विधयेक सदनमा

प्रकाशित मिति : माघ २०, २०७३ बिहीबार

अमेरिकी सदनमा पेश गरिएको एउटा विधयेक पारित भएमा अमेरिकामा रहेका विदेशी विद्यार्थीहरुलाई ग्रिनकार्ड पाउन सजिलो हुने भएको छ । सोमबार सदनमा पेश गरिएको विधयेक पारित भएमा अमेरिकामा रहेका विदेशी विद्यार्थीहरुलाई विना कुनै व्यवधान ग्रिनकार्डको प्रकृयामा लैजानका लागि बाटो खोल्नेछ । कँग्रेसम्यान जो लोफ्ग्रेनले सदनमा पेश गरेको यो विधयेक पारित भएमा निश्चित योग्यता पुगेका विदेशी विद्यार्थीहरुलाई ग्रिनकार्डको प्रकृयामा लैजानका लागि विशेषखालको संरचना निर्माण गरिनेछ ।

‘हाइ स्कील्ड इन्टेग्रिटी एण्ड फेयरनेस एक्ट २०१७’ नाम दिइएको यो विधयेकले अमेरिकाभित्रै रहेका दक्ष व्यक्तिलाई काम र स्थायी बसोबासका लागि प्राथमिकता दिन्छ । तर यो विधयेक पारित भएमा विदेशबाट कामदार ल्याउने प्रकृयामा भने समस्या उत्पन्न हुनेछ ।

त्यस्तै दुईजना शक्तिशाली सिनेटरहरु ग्रासले र डर्बिनले सन् २०१७ का लागि सदनमा पुन पेश गर्ने भनिएको विधयेक पारित भएमा पनि अमेरिकामा रहेका विदेशी विद्यार्थीहरुलाई ग्रिनकार्डको प्रकृयामा जान केही सहज अवस्था सृजना हुनेछ । यो विधयेक पारित भएमा कामदार भिसा एचवानबीको पहिलो प्राथमिकता अमेरिकी डिग्री हासिल गरेका विदेशी विद्यार्थीहरुलाई प्रदान गरिनेछ ।

सदनमा रहेका यी विधयेकहरु पारित भएमा कामदार भिसाको प्रकृयालाई जटिल बनाएपनि अमेरिकामा रहेका विदेशी विद्यार्थीहरुलाई भने सहज अवस्था आउने न्युयोर्कका चर्चित कानुन व्यवसायी केशव सेडाइले बताउनुभयो ।

विद्यार्थी भिसामा रहेकाहरुलाई पूराना व्यवधान हटाएर ग्रिनकार्डको प्रकृयामा लैजाने योजना क्यानडाको प्वाइन्ट सिस्टम जस्तै रहेको सेडाईले प्रस्ट पानुभयो । यो विज्ञान, इन्जिनियरिङ, प्रविधि, गणित लगायतका क्षेत्रमा मास्टर्स डिग्री गरेकाहरुले निश्चित प्वाइन्टका आधारमा सिधा ग्रिनकार्डको प्रकृयामा जानसक्ने प्रावधान हो । विधयेक पारित भएमा एचवान बी भिसा वा ओपिटीमा काम गरिरहेकाहरुले पनि प्वाइन्ट सिस्टममा ग्रिनकार्डका लागि आवेदन दिनसक्ने जनाइएको छ ।

विधयेक पारित भएमा ग्रिनकार्डका लागि क्यानेडियन प्रणाली लागु हुनेछ भने लेवर सर्टिफिकेटको प्रावधानपनि हट्ने सम्भावना छ । यो नियम लागु भएमा योग्य र क्षमतावान विद्यार्थीहरुका लागि निकै सजिलो हुनेछ । जसबाट अमेरिकामा रहेका कैयन नेपाली विद्यार्थीहरु पनि लाभान्वित हुन सक्नेछन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com